Mmla'n 29:23 - NYANMIƐN NDƐ'N 1998

²³ Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

Mmla'n 29:23 ပူးပေါင်းရင်းမြစ်များ

Bo Bolɛ 14:2

be nin Sodɔm famiɛn Bera, nin Gomɔr famiɛn Birsa, nin Adma famiɛn Sineab, nin Zɛbɔim famiɛn Semɛebɛr, ɔ nin Bela famiɛn'n, be kunnin alɛ. Bela klɔ'n i dunman'n kun ekun yɛlɛ Zɔar.

1 Famiɛn Mun 9:8

Sua sɔ'n bɔ i dunman'n ɔ fu'n, sran nga be ´sin i wun lɛ'n, be kwlaa be ´kpiti yɛ bé nuan'n ´bo bé wun. Be ´usa kɛ: ‹AI! ?Ɔ yo sɛ ti yɛ Anannganman yo mɛn nga nin sua nga'm be sɔ-ɔ ?›

1 Famiɛn Mun 9:9

Kpɛkuun be wa tɛ bé su kɛ: ‹Anannganman be Nyanmiɛn'n b'ɔ ko fali be nannan mun Ezipt lɔ bali'n, be yili i ase, be ko fali amuɛn'm be kotoli bé bo, be suli be. I ti yɛ Anannganman fali nyrɛnnɛn nga kwlaa yili bé su nin-ɔn.› »

2 Famiɛn Mun 22:13

«Amun `wɔ be ko wun Anannganman wun, man ɔ kan fluwa nga be wunnin i'n i wun ndɛ kle amun. Amun `wɔ min nin Zidafuɛ mun e dunman nun, afin kɛ n niɛn i sa'n, e nannan'm b'a fa-man fluwa nga nun ndɛ'm be su. B'a nian-man ndɛ sɔ'm be su b'a nanti-man. I ti Anannganman i ya nga ɔ'a fɛ i é wun'n ti-man blɛblɛ.»

Zɔb I Nyrɛnnɛn Wunlɛ 18:15

Be tran i sua'n nun-ɔn ɔ yo ye, sran nun-man nun kun. Be ´fa sufru be ´guɛ i tranwlɛ'n nun.

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Ezai 1:7

Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 13:19

Yɛ Babilɔni b'ɔ ti kɛ famiɛn diwlɛ'm be afle klanman sa'n, b'ɔ ti kɛ Kaldefuɛ'm bé wun fafalɛ like sa'n, bɔ be fa di bé nuan'n, ɔ wa yo kɛ Sodɔm nin Gomɔr bɔ Nyanmiɛn sacili be laa'n sa.

Ezai 34:9

Edɔm lɔ nzue ba'm be wa kaci gudrɔn, lɔ ndutre'n ɔ wa yo kɛ sufru sa. Lɔ asiɛ'n ɔ wa yo kɛ gudrɔn b'ɔ su jue'n sa.

Ezai 64:11

Anannganman, lika nvuɛn sɔ'n yɛ ɔ́ nyin tɛ i lɛ-ɔ. ?A ´tran lɛ sa ngbɛn? ?A su kan-man ndɛ fi? ?Nan a ´gua é nyin ase lele tra su?

Zeremi 17:6

I sɔ sran liɛ'n i agualiɛ'n yo kɛ susrɛ kan wie b'ɔ o lika kee'n nun'n sa. Ɔ ´minndɛ muae'n lele ɔ ´fɛ ngbɛn. Afin i sɔfuɛ'n ɔ'a yo kɛ ɔ ko trannin aawlɛ flɛnnɛn'n nun kan lika'n ti yrawa lɛ'n nun sa, ɔ ti kɛ njin asiɛ bɔ sran fi tran-man lɔ'n sa.

Zeremi 20:16

Man sran sɔ'n yo kɛ klɔ nga Anannganman'n sacili be bɔ i waan ɔ si-man be aunnvuɛ kun'n sa. Nglɛmun'n, man ɔ ti kpankpanlɛ. Wia jran'n, man ɔ ti alɛ kpanlɛ.

Zeremi 49:18

Edɔm ´saci kɛ Sodɔm nin Gomɔr, ɔ nin be asa'n su klɔ mun sa. Ɔ ´tɔ srolo! Sran kun sa su tran-man su kun.»

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ezekiɛl 47:11

Jenvie sɔ'n i bla mun nin i fɛtɛ mun be liɛ be su yo-man saun, be ´yo njin ngunmin.

Saun Yolɛ 26:32

Amun mɛn'n i nunnunlɛ tɛ bɔ n ´nunnun i'n ti, ɔ ´yo amun kpɔfuɛ'm be koun.

Amɔs 4:11

«N sacili amun klɔ'n kɛ n fa sacili Sodɔm nin Gomɔr laa'n sa. Sanngɛ amun fin nun be fiteli kɛ b'a yi yiendre wie sin'n nun sa. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

JÉSUS-CHRIST I DYASIN FE'N BO LUC KLELI'N 17:29

Sanngɛ cɛn nga Lɔt fin Sodɔm lɔ fiteli'n, sin nin sufru be fin nyanmiɛn su lɔ guali kɛ nzue sa nan ɔ'a nunnun be kwlaa .

Rɔmfuɛ Mun 9:29

Ezai kunngba'n kɛnnin i laa kɛ: «Sɛ e Min Anannganman Nyanmiɛn ɔ'a yaci-man e osu kaan sa'n, wuun e ´yo kɛ Sodɔm sa yɛ e ´kaci kɛ Gomɔr sa .»

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

Jɔlɛ Difuɛ Mun 9:45

Abimelɛk fali cɛn wunmuan kun sɔ'n, ɔ nin klɔ'n su sran'm be kunnin alɛ nan ɔ'a fa klɔ'n. Ɔ kunnin sran'm be kwlaa nga be o nun'n. Ɔ nunnunnin klɔ wunmuan'n. Ɔ fali njin sanndili klɔ'n nun.