Mmla'n 29:22 - NYANMIƐN NDƐ'N 1998

²² Be ´wun kɛ lika'n ɔ'a yo kɛ ɔ'a yra sa sufru nin njin'n ti. Ɔ man be di nun fie-ɔ ɔ yo-man ye, nan ´se kɛ aliɛ yɛ be ´nyɛn i nun-ɔn. Be ´wun kɛ ijre fi su fi-man kɛ Sodɔm, nin Gomɔr, nin Adma, ɔ nin Zɛbɔim bɔ Anannganman fali ya nunnunnin be'n be blɛ su sa.

Mmla'n 29:22 ပူးပေါင်းရင်းမြစ်များ

Bo Bolɛ 19:24

Yɛ Anannganman yoli man Sufru fin nglo lɔ jue guali Sodɔm klɔ'n nin Gomɔr klɔ'n be su. Ɔ guali be su dan.

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 20:16

Man sran sɔ'n yo kɛ klɔ nga Anannganman'n sacili be bɔ i waan ɔ si-man be aunnvuɛ kun'n sa. Nglɛmun'n, man ɔ ti kpankpanlɛ. Wia jran'n, man ɔ ti alɛ kpanlɛ.

Zeremi 49:17

«Edɔm'n ´saci mlɔnmlɔn. Sran nga be ´sin i wun lɛ'n be kwlaa be ´bo bli. Be nga be ´sin'n, be yo i finfin. Kɛ be wun sacilɛ bɔ ɔ'a saci'n, be ´srisri i.

Zeremi 49:18

Edɔm ´saci kɛ Sodɔm nin Gomɔr, ɔ nin be asa'n su klɔ mun sa. Ɔ ´tɔ srolo! Sran kun sa su tran-man su kun.»

Zeremi 50:13

Anannganman ɔ'a fɛ i wun ya. I ti sran tran-man nun kun. I ti ɔ ´kaci flɛnnɛn! Sran nga be ´sin Babilɔni'n, kɛ be wun sa ng'ɔ juli i su'n, be ´yo i finfin. Kɛ be wun sacilɛ bɔ ɔ'a saci'n, be srisri i.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

Hébreu 6:8

Sanngɛ sɛ ɔ yo-man like ye bɔ owie nin aintɔnman yɛ ɔ yo ye lɛ'n, be bu-mɛn i like fi, ɔ cɛ-man nan Nyanmiɛn a se kɛ nán man i su like yo ye mlɔnmlɔn, i agualiɛ yɛlɛ i nun wɔlɛ .