Mmla'n 29:19 - NYANMIƐN NDƐ'N 1998

¹⁹ Anannganman su yaci cɛ-mɛn i. Ɔ ´fɛ i wun ya dan kpa, ɔ ´fa sa yalɛ nga be kan be ndɛ fluwa nga nun'n ɔ ´yi i su. Ɔ ´nunnun i dunman asiɛ'n su.

Mmla'n 29:19 ပူးပေါင်းရင်းမြစ်များ

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Kalɛ 15:30

Sanngɛ sɛ sran kun, sɛ ɔnvuɛ o, sɛ aofuɛ o, bɔ nán sanvuɛsa yɛ ɔ nyɛnnin i-ɔ, nan ɔ yo nyinfu sa'n, be `kɛn i bo min mma'm be afiɛn.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Jue Mun 49:18

Afin cɛn ng'ɔ ´wu kɔ'n, ɔ su fa-man like fi kɔ-man, i ninnge'n wie fi su jrɛ-mɛn i sin blɔlɔ lɔ.

Mmla'n 29:12

Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 17:2

Klɔ nga Anannganman amun Nyanmiɛn'n fa man amun'n, sɛ amun kɔ lɔ'n, atrɛkpa-a, amun nun yasua wie, annzɛ bla wie ɔ ´yo sa tɛ Anannganman amun Nyanmiɛn'n i wun, yɛ ɔ ´saci aenguɛ ng'ɔ nin amun trali'n.

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Ezekiɛl 13:16

Be nga be tɔn be wun suɛn kɛ be ti min nuan ijɔfuɛ Izraɛl mɛn'n nun, bɔ be kan sa nga be wa ju Zerizalɛm klɔ'n su'n, bɔ be waan aunjuɛ o lɛ kusu wuun aunjuɛ nun-man lɛ'n, be liɛ'n ɔ'a wie.» Anannganman Nyanmiɛn yɛ ɔ kan sɔ-ɔ.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 3:17

I blɛ sɔ nun'n, be ´flɛ Zerizalɛm klɔ'n kɛ: Anannganman I Famiɛn Bia. Nvle'm be kwlaa be ´ba min wun wunlɛ Zerizalɛm lɛ. Be ´yaci be akunndan tɛtɛ bɔ i cɛ yɛ be waan be ´fa su'n.

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Jue Mun 10:11

Ɔ se i anwlɛn'n nun kɛ: «Nyanmiɛn i wla fi ninnge mun. Nyanmiɛn kɛtɛ i nyin, ɔ wun-man like fi mlɔnmlɔn!»

Bo Bolɛ 2:17

Sanngɛ sa kpa'n nin sa tɛ'n be silɛ waka'n i mma liɛ'n, nán di i li. Sɛ a di'n, san wulɛ cɛ yɛ a ´wu-ɔ.»

Mmla'n 29:18

Sran ng'ɔ ti ndɛ nga'n, nán ɔ lɛkɛ i wun se kɛ: «Kannzɛ sɛ n yo nyin kekle lele n guɛ i ti nin i bo'n, sa fi su nyan-man min,» afin sɛ sran kun saci sran uflɛ ti nun'n fa ukɛ i bɔbɔ su'n,

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

Jue Mun 36:2

Klunwifuɛ'n i nyin kekle ndɛ'n b'ɔ kan'n, ɔ o min klun. Ɔ se kɛ sa kpa nga ti bɔ be sro Nyanmiɛn'n ɔ wun-mɛn i .

Zeremi 18:12

Sanngɛ be tɛ min su kɛ: «Nán kle ɔ wun yalɛ. Ye akunndan liɛ'n su yɛ e ´fa-a. E liɛ nga e waan e ´yo'n yɛ e ´yo-ɔ.»

Zeremi 36:29

Nan se Zozakim b'ɔ ti Zida famiɛn'n kɛ: ‹Anannganman'n waan, sa ti bɔ ɔ waan ɔ yo sɛ ti yɛ m'an klɛ i kɛ kannzɛ ɔ yo sɛ san Babilɔni famiɛn'n ɔ ´ba ɔ wa nunnun mɛn nga yɛ ɔ ´nunkun i nun sran nin nnɛn mun, b'ɔ man a yrali fluwa'n,

Mmla'n 28:15

Sɛ kusu amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla nga n ´fa man amun ndɛ yɛ'n bé su'n, sɛ amu'an nian-man be su b'a nanti-man'n, nyrɛnnɛn sa ng'ɔ wa ´ju amún su'n yɛ:

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

Ezekiɛl 14:7

Afin Izraɛlfuɛ kwlaa annzɛ aofuɛ kwlaa ng'ɔ tran Izraɛl mɛn'n nun, b'ɔ fɛ i wun wla amuɛn sɔlɛ nun'n, b'ɔ kpɛ i nyin like ng'ɔ fa be yili sa tɛ nun'n i su'n, sɛ ɔ ba mín nuan ijɔfuɛ'n i sin kɛ ɔ kan ndɛ kle i'n, m bɔbɔ min Anannganman'n yɛ n ´tɛ i su-ɔ.

Ezekiɛl 14:8

E nin i sɔfuɛ'n e ´yia nun. N ´yo man ɔ ´yo nzɔliɛ kun bɔ be ´fa bu nyanndra, n ´kplɛ i n ´yi, ɔ su tran-man min nvle'n nunfuɛ'm be afiɛn kun. Kpɛkuun amun wa si jrɛiin kɛ min yɛ n ti Anannganman'n nin-ɔn.