Mmla'n 29:18 - NYANMIƐN NDƐ'N 1998

¹⁸ Sran ng'ɔ ti ndɛ nga'n, nán ɔ lɛkɛ i wun se kɛ: «Kannzɛ sɛ n yo nyin kekle lele n guɛ i ti nin i bo'n, sa fi su nyan-man min,» afin sɛ sran kun saci sran uflɛ ti nun'n fa ukɛ i bɔbɔ su'n,

Mmla'n 29:18 ပူးပေါင်းရင်းမြစ်များ

Jue Mun 10:13

?Ɔ yo sɛ ti yɛ klunwifuɛ'n ɔ yo wɔ finfin nin-ɔn? ?Ɔ yo sɛ ti yɛ ɔ se i wun kɛ Nyanmiɛn bu-man sran fɔ nin-ɔn?

Jue Mun 69:21

Min anwlɛn'n kpɛ min klun nzowa'n dunman nun. N kwla sin-man min osu kun. M'an minndɛ kɛ sran wie si min aunnvuɛ lele ngbɛn. N nyan-man sran fi b'ɔ ´fɔnvɔ min-ɔn.

Zeremi 23:15

Ɔ man ndɛ bɔ Anannganman b'ɔ sie mɛn wunmuan'n kan man Nyanmiɛn nuan ijɔfuɛ sɔ mun'n yɛ. I waan: «N wa man be kondu man be di, n ´gua nzue'n nun duwlɛ man be nɔn, afin sa tɛ nga ɔ'a tru mɛn wunmuan nun yɛ'n ɔ fin Zerizalɛm lɔ be nga be tɔn be wun suɛn kɛ be ti min nuan ijɔfuɛ mun.»

Zeremi 23:17

Be se be bɔ be bu-man min like fi'n be kɛ: ‹Anannganman waan: Amun ´di alaje.› Be se be bɔ be klun sa'n cɛ yɛ be waan be ´yo'n, bɔ be su mlin'n be kɛ yoo: ‹Sa su nyan-man amun.›

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Zeremi 9:15

N ´yo man be bo sanndi nvle nga bé si'm be bɔbɔ be si-man be'n, nan se kɛ be yɛ be ´si be'n, be nun. N ´fa alɛ'n n su be su lele san be ´wie nunnun.»

Ndɛ Nga Nyanmiɛn I Nuan Ijɔfuɛ Oze Kannin'n 10:4

Be yia be ijɔ lelele ngbɛn, be ta ato nda mun, be nin nvle wie'm be tra aenguɛ yɛ be kpɛ anuansɛ'm be ba. Sanngɛ sa ndɛnman su yolɛ'n ɔ'a yo bé sa nun kɛ ijre tɛ wie sa. Kɛ a nian-an, lika weiin ɔ'a fu.

Amɔs 6:12

?Nnɛn kpanngɔ'm be wanndi yɛbuɛ su-ɔ, ɔ yo ye? ?Be kwla fa nannin be trutru kpangba nun kɛ be ´lua nun like-ɔ ɔ yo ye'n? ?Yɛ wuun sɛ ti yɛ amu'an yo man nanwlɛ dilɛ'n ɔ'a kaci kɛ duwlɛ sa nin-ɔn, bɔ sa i nan su yolɛ'n ɔ'a kaci kɛ kondu sa nin-ɔn?

Sa nga bé yôli'n 8:23

afin n wun kɛ klunwi'n nin sa tɛtɛ'n ɔ'a kun wɔ kpo .»

Mmla'n 29:19

Anannganman su yaci cɛ-mɛn i. Ɔ ´fɛ i wun ya dan kpa, ɔ ´fa sa yalɛ nga be kan be ndɛ fluwa nga nun'n ɔ ´yi i su. Ɔ ´nunnun i dunman asiɛ'n su.

Mmla'n 32:32

Be sran bɔ be fali be'n yɛlɛ Sodɔmfuɛ mun nin Gomɔrfuɛ mun. Be ti kɛ vinyi bɔ i mma'm be yo wi, bɔ duwlɛ o nun'n sa.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.