Mmla'n 29:17 - NYANMIƐN NDƐ'N 1998

¹⁷ Ɔ man nán amun nun sran kun, yasua annzɛ bla, nán awlo bo fi, nán akpasua fi, ɔ yaci Anannganman e Nyanmiɛn'n ɔ ko su nvle sɔ'm be amuɛn mun. Nán amun nun sran fi yo kɛ waka bɔ i mma'm be ti duwlɛ'n sa.

Mmla'n 29:17 ပူးပေါင်းရင်းမြစ်များ

Ezipt Lɔ Tulɛ'n 20:23

Nán amun yo jɛtɛ ufue annzɛ sika ɔkwlɛ amuɛn kɛ amun su i be ´fa uka min su.

Saun Yolɛ 18:3

Ezipt mɛn'n nun kan amun trannin lɔ laa'n, nán amun yo lɔ like mlɔnmlɔn kun. Like nga be yo i Kanaan mɛn'n nun kan min nin amun su kɔ lɔ'n, nán amun yo wie. Mɛn sɔ'n nunfuɛ'm be mmla nga be nanti su'n, nán amun nanti su wie.

Mmla'n 11:16

Amun `nian amún wun kpa. Nán amún ti nun saci, nán amun yaci atin kpa'n lɛ amun ko su amuɛn mun, nán amun koto bé bo.

Mmla'n 28:36

Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .

Mmla'n 29:16

Amun wunnin be tete ninnge mun, amun wunnin be amuɛn bɔ be fa waka, annzɛ yɛbuɛ, annzɛ jɛtɛ ufue annzɛ sika ɔkwlɛ yɛ be fa yi be'n.

Mmla'n 4:28

Kpɛkuun amun ´sɔ amuɛn bɔ sran yɛ ɔ yili be mun. Amuɛn sɔ'm be ti waka annzɛ yɛbuɛ bɔ be wun-man ase, be ti-man sa, be kwla di-man like, be bue ti-man nvan'n. Amun ´sɔ be mɛn sɔ'm be nun.