Mmla'n 29:13 - NYANMIƐN NDƐ'N 1998

¹³ Aenguɛ sɔ'n, nán ɔ nin amun kunngba yɛ ɔ ´tra-a, nda ng'ɔ ta'n, nán amun kunngba yɛ ɔ ´ta amun-ɔn.

Mmla'n 29:13 ပူးပေါင်းရင်းမြစ်များ

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Zeremi 32:38

Be ´yo min nvle, n kusu n ´yo be Nyanmiɛn.

Mmla'n 28:9

Sɛ amun fa mmla nga Anannganman amun Nyanmiɛn'n ɔ fa mannin amun'n bé su'n, nan amun nanti atin ng'ɔ kle amun'n bé su'n, ɔ ´fa amun nvle'n ´yo i liɛ klonglo, afin ɔ tali nda sɔ.

Mmla'n 29:12

Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

Hébreu 11:16

B'a yo-man sɔ, sanngɛ be kunndɛli nvle nga i kpa tra nvle sɔ'n, yɛlɛ nyanmiɛn su lɔ liɛ'n. I sɔ'n ti, kɛ be se kɛ ɔ ti be Nyanmiɛn'n, nyannzuɛn kun-mɛn i, afin ɔ'a yo klɔ kun a sie be .