Mmla'n 29:12 - NYANMIƐN NDƐ'N 1998

¹² Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 29:12 ပူးပေါင်းရင်းမြစ်များ

2 Famiɛn Mun 11:17

Yɛ Zɛozada man famiɛn Zɔas nin nzrafuɛ'm be tali nda b'ɔ kle kɛ be ´yo Anannganman i sran tititi. Yɛ kusu ɔ kpɛli anuansɛ sa kun sieli famiɛn'n nin nzrafuɛ'm be afiɛn.

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezekiɛl 16:20

«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 26:17

Ndɛkɛn amu'an yo man Anannganman amun Nyanmiɛn'n ɔ'a ta amun nda kɛ sɛ amun fɛ i atin'n su'n, sɛ amun fɛ i mmla fanunfanun'n kwlaa amun sie, nan amun ti i aniɛn'n, ɔ ´yo amun Nyanmiɛn.

Mmla'n 28:9

Sɛ amun fa mmla nga Anannganman amun Nyanmiɛn'n ɔ fa mannin amun'n bé su'n, nan amun nanti atin ng'ɔ kle amun'n bé su'n, ɔ ´fa amun nvle'n ´yo i liɛ klonglo, afin ɔ tali nda sɔ.

Mmla'n 29:11

Ndɛkɛn Anannganman amun Nyanmiɛn'n ɔ nin amun wa tra aenguɛ ng'ɔ tali su nda laa'n.

Mmla'n 29:13

Aenguɛ sɔ'n, nán ɔ nin amun kunngba yɛ ɔ ´tra-a, nda ng'ɔ ta'n, nán amun kunngba yɛ ɔ ´ta amun-ɔn.

Mmla'n 29:14

Ɔ ti amun bɔ amun wo Anannganman amun Nyanmiɛn'n i nyrun wa ndɛ'n, ɔ nin be nga be nun-man wa ndɛ yɛ'n be liɛ.

Zozie 24:25

Le kun sɔ'n nun Zozie man Izraɛlfuɛ'm be tali nda Sisɛm lɔ. Ɔ kpɛli mmla mannin be, ɔ klekleli be wafa nga be ko nanti su'n.