Mmla'n 29:11 - NYANMIƐN NDƐ'N 1998

¹¹ Ndɛkɛn Anannganman amun Nyanmiɛn'n ɔ nin amun wa tra aenguɛ ng'ɔ tali su nda laa'n.

Mmla'n 29:11 ပူးပေါင်းရင်းမြစ်များ

2 Famiɛn Mun 6:4

Yɛ Elize nin be ɔli-ɔ. Kɛ be juli Zurdɛn'n nuan lɔ'n, be kpɛli anyia sua'n i kplanlɛ waka'n.

2 Be Nyoliɛ 15:12

Be tali nda kɛ be ´fa bé wun mantan Anannganman b'ɔ ti be nannan'm be Nyanmiɛn'n kpa. Be tali nda kɛ be fa bé wla'n kwlaa guɛ i su, yɛ be akunndan'n kwlaa ´trɛn i su.

2 Be Nyoliɛ 23:16

Zɛozada tali nda kɛ i bɔbɔ nin famiɛn nin nzrafuɛ'm be ´yo Anannganman i sran tititi.

Neemi 10:30

Be ukali e niaan Zuif nga be ti e nun kaklaakla'm be su. E kwlakwla e tali nda yɛ e jrannin su kɛ e ´fa Nyanmiɛn i mmla'm bɔ i sufuɛ Moiz fa mannin ye'n su. E tali nda kɛ e ´fa ndɛ wafa kwlaa nga Anannganman e Min'n kannin'n, yɛ e tali nda ekun kɛ e ´fɛ i mmla'n nin i sa nuan su yolɛ mmla'm be su.

Ezipt Lɔ Tulɛ'n 12:38

Sran sunman bɔ be ti nvle uflɛ wie'm be nun sran'n be nin Izraɛlfuɛ mun yɛ be ɔli-ɔ. Be bua mun nin be boli mun, ɔ nin be nannin'm be sɔnnin kpa.

Ezekiɛl 16:20

«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?

Kalɛ 11:4

Cɛn kun, be o lɛ kpɛkuun aofuɛ bɔ be fin lika fanunfanun'm be nun bɔ be nin Izraɛlfuɛ mun be o lɛ'n be konvi sɔli nnɛn dilɛ dan kpa, yɛ Izraɛlfuɛ'm be bɔbɔ kusu be wa triki-ɔ. Be waan: «?Wan yɛ ɔ ´man e nnɛn nan y'a di-ɔ?

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Mmla'n 29:12

Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 5:14

Sanngɛ cɛn ba'n i nso sufuɛ'n, ɔ ti min Anannganman ɔ Nyanmiɛn'n min wunmiɛn-delɛ-cɛn. Nán di junman fi cɛn sɔ'n nun. Sɛ wɔ o, sɛ ɔ́ wa yasua o, ɔ́ wa bla o, ɔ́ sa nun junman difuɛ yasua o, ɔ́ sa nun junman difuɛ bla o, ɔ nannin o, wɔ aflunmun o, ɔ nnɛn'm be kwlaa o, aofuɛ ng'ɔ tran wɔ awlo o, nán amun wie fi di junman cɛn sɔ'n nun mlɔnmlɔn. Man ɔ sa nun junman difuɛ, sɛ bla o, sɛ yasua o, be de wunmiɛn kɛ ɔ bɔbɔ sa.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.

Zozie 24:25

Le kun sɔ'n nun Zozie man Izraɛlfuɛ'm be tali nda Sisɛm lɔ. Ɔ kpɛli mmla mannin be, ɔ klekleli be wafa nga be ko nanti su'n.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.