Mmla'n 29:1 - NYANMIƐN NDƐ'N 1998

¹ Moiz flɛli Izraɛlfuɛ'm be kwlaa nan ɔ'a se be kɛ: «Like nga Anannganman yoli i Ezipt mɛn'n nun lɔ'n, like ng'ɔ fa yoli Ezipt famiɛn'n nin i mantanfuɛ mun'n, ɔ nin i mɛn'n nunfuɛ mun'n amun wunnin be.

Mmla'n 29:1 ပူးပေါင်းရင်းမြစ်များ

2 Famiɛn Mun 23:3

Famiɛn'n jrannin nglo Nyanmiɛn i sua'n i ja mlomlo'n i wun lɛ. Ɔ tali nda Anannganman nyrun kɛ ɔ ´fɛ i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa guɛ i su. Sran'm be kwlaa be tali nda sɔ wie.

Jue Mun 105:27

Ɔ mannin be wunmiɛn ɔ man be yili atrɛ ng'ɔ seli be kɛ be `yi i Eziptfuɛ'm be afiɛn'n. Be yoli abonuan sa mun Kam mɛn'n nun lɔ.

Zeremi 11:2

«Kan kle Zidafuɛ mun nin Zerizalɛmfuɛ mun, se be kɛ: ‹An `fa aenguɛ nga e nin amun e trali'n i nun ndɛ'm be su.›

Zeremi 11:6

Anannganman'n seli min kɛ: «Kan ndɛ ng'ɔ o yɛ'n Zida klɔ'm be su, kan sin Zerizalɛm akpɔ'm be su. Se kɛ: ‹An `nian aenguɛ sɔ'n su be nanti.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 34:18

Famiɛn'n i awlo lɔ sran dandan mun nga be o Zida klɔ'm be su'n nin be nga be o Zerizalɛm'n, be nin sran dandan mun, nin Nyanmiɛn nyrun jranfuɛ mun be kpɛli nannin kun bɔ ɔ'a kpɛ cro'n i nun nnyɔn, be sinnin i afiɛn be fa tali nda min nyrun. Sanngɛ b'a nian-man su b'a yo-man i su sa'n . I sɔ'n ti,

Saun Yolɛ 26:46

Mmla nga Anannganman fa mannin Izraɛlfuɛ mun i ngba yɛ ɔ o lɛ-ɔ. Anannganman fɛli i sɔ ndɛ liɛ mun wlali Moiz nuan Sinai oka'n su lɔ. Yɛ Moiz kan be kleli Izraɛlfuɛ mun-ɔn.

Saun Yolɛ 27:34

Mmla nga Anannganman kan kleli Moiz Sinai oka'n su lɔ kɛ ɔ kan kle Izraɛlfuɛ mun'n yɛ ɔ o lɛ-ɔ.

Sa nga bé yôli'n 3:25

An ti Nyanmiɛn nuan ijɔfuɛ'm be anunman, yɛ aenguɛ nga Nyanmiɛn nin amun nannan mun'n be trali'n, bɔ i ti ɔ seli Abraam kɛ i osufuɛ'm be ti ɔ wa yo asiɛ'n sufuɛ'm be kwlaa be ye'n, an wo nun wie .

Mmla'n 1:1

Kɛ Izraɛlfuɛ'm be tɛ o Zurdɛn'n i bue kun lɔ aawlɛ flɛnnɛn'n nun lɔ lika kpɛtɛkplɛɛ ng'ɔ mantan Zif klɔ'n lɛ'n, Moiz kan ndɛ kleli be kwlakwla. Ndɛ sɔ mun yɛ be o fluwa nga nun-ɔn. Kɛ ɔ ´kɛn i sɔ'n, wuun be o Paran, nin Tɔfɛl, nin Laban, nin Azerɔt, ɔ nin Di-zaab be afiɛn'n nun.

Mmla'n 28:68

Anannganman ɔ ´yo man amun ´fu mmeli nun amun ´kɔ Ezipt mɛn'n nun lɔ. Ezipt atin sɔ b'ɔ seli amun kɛ nán amun fɛ kun'n, yɛ amun ´fa su-ɔ. Sɛ amun ju lɔ'n, i yasua o, i bla o, amun ´ko yo amún wun atɛ amun kpɔfuɛ'm bé sa nun nan amun ´kaci kanga, sanngɛ sran fi su to-man amun.

Mmla'n 29:12

Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 29:2

Sa kekleekle ng'ɔ fa yili be su nin abonuan sa ng'ɔ yoli be'n, ɔ nin atrɛ ng'ɔ yili be'n, amun wunnin be.

Mmla'n 29:21

Amun mma'm be akpasua nga be wa jaso su kasiɛn'n, ɔ nin aofuɛ nga be fin mmua'n, be wa wun sa kekleekle nga be ju mɛn nga su'n.

Mmla'n 29:25

Be ko sɔli amuɛn mun, be kotoli bé bo, kusu wuun be si-man amuɛn sɔ mun laa. Anannganman kusu ɔ'a man-man be atin kɛ be sɔ be.

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»

Mmla'n 4:13

Ɔ kannin aenguɛ nga ɔ nin amun trali'n i ndɛ kleli amun. I waan amun `nian su, nan amun `niɛn i mmla blu b'ɔ klɛli be yɛbuɛ paplaapla nnyɔn su'n be su `nanti.

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Hébreu 8:9

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ba'n, ɔ su yo-man kun.› E Min'n seli kɛ: ‹I sɔ'n aenguɛ liɛ'n, b'a yo-mɛn i su sa'n, ɔ man n kusu m'an nian-man be lika.›

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.