Mmla'n 28:9 - NYANMIƐN NDƐ'N 1998

⁹ Sɛ amun fa mmla nga Anannganman amun Nyanmiɛn'n ɔ fa mannin amun'n bé su'n, nan amun nanti atin ng'ɔ kle amun'n bé su'n, ɔ ´fa amun nvle'n ´yo i liɛ klonglo, afin ɔ tali nda sɔ.

Mmla'n 28:9 ပူးပေါင်းရင်းမြစ်များ

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Jue Mun 87:5

Sanngɛ Siɔn liɛ'n, be ´se kɛ: «Sran sɔ'm be kwlaa bé ti nin bé bo'n, yɛlɛ lɛ.» Nyanmiɛn bɔ like fi nun-mɛn i sin'n, i yɛ ɔ wlali Siɔn klɔ sɔ'n i ase-ɔ.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezai 1:26

N ´yo man amun jɔlɛ difuɛ'm be ´yo kɛ laa liɛ'm be sa, yɛ n ´yo man famiɛn'n i afɔtuɛ manfuɛ'm be kusu be ´yo kɛ be nga be o lɛ laa'n be sa. Kpɛkuun be ´flɛ amun klɔ'n kɛ Klɔ bɔ be yo sa i nuan su nun'n, nin Nanwlɛ Klɔ.

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Zeremi 11:5

Kpɛkuun nda nga n tali amun nannan mun kɛ n ´fa asiɛ bɔ ti nnɛn tawlɛ klanman b'ɔ kunngba'n yo like ye'n m ´man be'n, n ´yiɛ i nuan.› I kusu yɛ amun wun i andɛ yɛ, yɛ n tɛli i su kɛ: ‹Anannganman, man ɔ yo sɔ!› »

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

2 Tɛsalonikfuɛ Mun 3:3

Sanngɛ e kwla fa é wla gua e Min'n su. Ɔ ´wla amun fanngan yɛ ɔ ´nian amun su ɔ man Klunwifuɛ'n su nyan-man amun.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.