Mmla'n 28:8 - NYANMIƐN NDƐ'N 1998

⁸ Anannganman amun Nyanmiɛn'n ɔ ´nian amun tanngannin'm bé nun ninnge'm be su. Yɛ kusu like kwlaa nga amún yo'n, ɔ ´yo ye amun sa nun. Ɔ ´yo amun ye mɛn nga ɔ'a fa man amun'n nun.

Mmla'n 28:8 ပူးပေါင်းရင်းမြစ်များ

2 Famiɛn Mun 6:27

Famiɛn'n tɛli i su kɛ: «?Sɛ Anannganman ɔ'a de-man wɔ'n, n ´fa nguɛ yɛ n ´fa de wɔ-ɔ? N lɛ-man aliɛ kun, n lɛ-man nzan kun.»

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 128:2

Sɛ a yo sɔ'n, i liɛ'n junman nga a yo'n, a ´di i nuan like. A ´di alaje, ɔ ninnge mun'n, san kpa yɛ be ´yo-ɔ.

Jue Mun 133:3

Ɔ ti kɛ bɔlɛ b'ɔ fin Ɛrmɔn oka'n su lɔ ɔ wa gua Siɔn oka'm be su'n sa, afin lɛ yɛ Anannganman sieli kɛ ye bɔ be nyɛn i'n nin nguan'n be `fin bla tititi-ɔ.

Jue Mun 144:13

Aliɛ wafa'n kwlaa be yi e tanngannin mun, be yi be piɛ! E bua mun nin é boli'm be trɛ kpa. Be sɔnnin kaka kpa blo lɔ.

Jue Mun 42:8

Wɔ man nzue'n ɔ bo, kpɛkuun ɔ bo ekun flan nun. Nzue ng'ɔ ´bo lɛ'n, i kwlakwla'n sin min su kpan! Ɔ kata min su kplu!

Jue Mun 44:4

Nán be bɔbɔ be tokofi'n yɛ man be fali lika nin-ɔn, nán be wue kekle yɛ man be fiteli nun-ɔn. Ɔ fanngan nun-ɔn, ɔ kwlalɛ'n ti-ɔ, wɔ aunnvuɛ silɛ'n ti-ɔ, afin a klo be sa.

Saun Yolɛ 25:21

Afuɛ'n i siɛn'n su'n, m ´man amun aliɛ kaka kpa, m ´man amun afuɛ nsan nuan aliɛ. Amun fie'm be ´yo ye min dunman nun.

Saun Yolɛ 26:10

Aliɛ'n ɔ ´bobo amún su, nga bɔ amun fa sieli'n, amun ´kwla di i lelee. I kpa'n, amun ´se kɛ amun ´gua laa liɛ'n i blo nan amun fa uflɛfuɛ'n be ´sie i osu.

Ndɛ Nga Nyanmiɛn I Nuan Ijɔfuɛ Aze Kannin'n 2:19

Ble fi nun-man tanngannin'm be nun kun. ?Ato-ɔ? Vinyi, nin figie, nin grenadie ɔ nin olivie'm b'a su-man mlɔnmlɔn. Sanngɛ kɛ ɔ fin ndɛ'n, n ´yo man amun ´di ye.»

Matthieu 13:30

An `yaci be nnyɔn'n be lɛ man ɔ fa ju awie kpɛlɛ blɛ'n, sɛ awie kpɛlɛ'n ju'n, n ´se awie i kpɛfuɛ'm be kɛ be dun mmua kpɛ awie ijre'n be cici fiɛnfiɛn be wɔ nun, nan be fa awie'n gua n tanngannin'n nun.»

Matthieu 6:26

«An `nian anunman'm bɔ be tu sin'n, be gua-man awie, be kpɛ-man awie guɛ-mɛn i tanngannin nun, sanngɛ amún Si bɔ o nyanmiɛn su lɔ'n ɔ ta be. ?An ti-man kpa tra-man be?

JÉSUS-CHRIST I DYASIN FE'N BO LUC KLELI'N 12:18

Akunndan kun kpɛnnin i klun, ɔ seli kɛ: ‹Nga m ma yo'n yɛ, m ma bubu tanngannin nga mun, n ´kplan uflɛ dandan kpa, n ´fa min awie'n nin min ninnge'n kwlaa guagua be nun.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 15:10

Sɛ be usa amun afɛ sɔ'n, amun `fa man be. Amun ´fa man be kusu-ɔ, man ɔ yo amun klun su klanman. Sɛ amun yo i sɔ'n, Anannganman amun Nyanmiɛn'n ɔ ´yo man like kwlaa nga amun yo'n nin junman kwlaa nga amun di'n, ɔ ´yo ye amun sa nun.

Mmla'n 15:4

Yalɛfuɛ su tran-man amun afiɛn, afin Anannganman amun Nyanmiɛn'n ɔ wa yo amun ye mɛn nga ɔ'a fa man amun kɛ amun ko fa'n nun.

Mmla'n 28:20

Like kwlaa nga amun fɛ i ajalɛ kɛ amun ´yo'n, Anannganman ɔ ´fa nyrɛnnɛn, nin afɛ, ɔ nin sannganlɛ ɔ ´yi nun, lele san amun ´wie nunnun sa tɛ yolɛ'n dunman nun nin amun sin bɔ amun kaci sili i'n ti.

Mmla'n 28:7

Anannganman ɔ ´yo man amun kpɔfuɛ nga be nin amun ´ba alɛ kunlɛ'n, be su nyan-man jranwlɛ. Be balɛ'n su be ´fa atin kunngba, sanngɛ be kɔlɛ'n su'n, be wanndi be fa atin nso.