Mmla'n 28:65 - NYANMIƐN NDƐ'N 1998

⁶⁵ Kɛ amun wo nvle sɔ'm be nun lɔ'n, amún wla su gua-man ase. Amun su nyan-man lika kun bɔ amun ´tran nun amun ´de wunmiɛn-ɔn. Anannganman ɔ ´yo man kokolɛ'n yɛ amun ´koko-ɔ, amun ´nian ninnge mun sa saa, amun wla'n ɔ ´bo.

Mmla'n 28:65 ပူးပေါင်းရင်းမြစ်များ

Bo Bolɛ 8:9

Sanngɛ auble'n ɔli-ɔ nzue'n tɛ o asiɛ'n su, ɔ'a nyan-man tranwlɛ, nan ɔ'a sɛ i sin mmeli'n wun lɛ nan Noe ɔ'a tinngɛ i sa'n ɔ'a fɛ i ɔ'a wlu mmeli'n nun.

Zɔb I Nyrɛnnɛn Wunlɛ 11:20

Sanngɛ sran nga be bu-man Nyanmiɛn like fi'n be ´minndɛ ukalɛ'n lele ngbɛn. Be su nyan-man fiawlɛ. Like nga be minndɛ i'n ɔ ti kunngba, yɛlɛ wie'n.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Ezai 57:21

Anannganman waan: «Be nga be bu-man min nin min ndɛ'n like fi'n, bé wun jɔ-man be le.»

Ezai 65:14

Be klun ´jɔ lele tratra su, i ti be ´bo sro, sanngɛ amun liɛ'n, nyrɛnnɛn b'ɔ wa tɔ amun su'n ti amun ´kplin. Yɛ awlaboɛ b'ɔ ´kun amun kpo'n ti, amun ´fɛfɛ.

Ngwlɛ Yilɛ 1:3

Zidafuɛ mun'n, kɛ be ko wun nyrɛnnɛn'n yɛ be wunnin i-ɔ. Kanga nga be flɛ-mɛn i kanga'n yɛ be su di-ɔ. B'a tra be lomuɛn b'a ɔ nvle wie nun. Be o be nga be si-man Nyanmiɛn'n be afiɛn, nán wunmiɛn kaan sa yɛ be ko de-ɔ. Be yalɛ klefuɛ'm bé su be su, be waan nán be nyan bé ti nɔn nzue, be mian-mian bé sa fii!

Ngwlɛ Yilɛ 3:65

Bo be sannzan, kete be anwlɛn'n.

Ngwlɛ Yilɛ 5:17

Ye anwlɛn b'ɔ ´kpɛ e klun'n, e nyinmuɛn b'ɔ ´jranjran é ti nun'n,

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Amɔs 9:4

Sɛ alɛ kunlɛ nun be trali be lomuɛn nan be yoli kanga be nga be nin be be kun'n bé sa nun'n, n ´yo man be ´kun be. Mín nyin su jaso-man be su le. Nán kɛ be ye yolɛ ti-ɔ, sanngɛ be tɛ yolɛ ti-ɔ.»

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Matthieu 24:8

I kwlaa sɔ'n ti nyrɛnnɛn'n i bue nuan kaan sa.

JÉSUS-CHRIST I DYASIN FE'N BO LUC KLELI'N 21:26

Sa sroesroe ng'ɔ wa ju asiɛ'n su'n ti, sran'm be wawɛ'n ´tɔ blo, Nyanmiɛn su lɔ ninnge ngbli-ngbli'm be nun wa keje.

Rɔmfuɛ Mun 11:10

Man bé nyin su dun be, nán man be wun ase kun. Man be kɔminsin klu tititi .»

Mmla'n 28:66

Amun ´sende wie'n nin nguan'n be afiɛn. Amun klun'n ´titi amun kɔnguɛ nan ɔ'a titi amun wia nun. Amun su wun-man nga amun o nun-ɔn.