Mmla'n 28:53 - NYANMIƐN NDƐ'N 1998

⁵³ Kɛ amun kpɔfuɛ'm be ko kata amun anuan'n, bɔ amun wla ko bo amun wun'n, kpɛkuun amun wa di amun ku sɛ nun ba mun. Ba yasua mun, nin ba bla mun bɔ Anannganman amun Nyanmiɛn'n ɔ'a fa man amun'n, amun ´di be .

Mmla'n 28:53 ပူးပေါင်းရင်းမြစ်များ

Zeremi 19:9

Be kpɔfuɛ mun nin be bɔ be klo-man be nin nguan'n, be wa sanngan be nun. Nyrɛnnɛn nga be ´fa yi be su'n, i dan liɛ'n be flɛ-man. N ti man be ´di be mma'm be nnɛn'n, yɛ be ´di be wiengu nnɛn.»

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 4:10

Ɔliɛ bla ta bɔ be klo-man be mma mun aɔwi'n, be bɔbɔ be tɔnnin be mma mun kplɔkplɔkplɔ! Be fa be yoli nnɛn be dili awe dan bɔ bli be nun'n i dunman nun .

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Saun Yolɛ 26:29

Siɛn'n, amun ´di amun bɔbɔ amun mma'm be nnɛn .

Matthieu 24:19

Blɛ sɔ'n nun'n, wunnzɛfuɛ mun nin bla ta mun be yako!

Mmla'n 28:18

Amun su wu-man ba kaka, amun fie'm be su yo-man ye, amun nannin mun, nin amun bua mun, ɔ nin amun boli'm be su trɛ-man.

Mmla'n 28:54

Amun nun yasua kpa ng'ɔ ti wɛtɛɛfuɛ bɔbɔ'n, b'ɔ klo sran'n, i bɔbɔ i niaan'n, nin i bo bla'n, ɔ nin i mma nga be ´kɛ i sa nun'n, bé wun ɔ ´yo i tɛ.

Mmla'n 28:55

I wa'm be nnɛn b'ɔ su man-man i fuɛ'm be wie'n i ti yɛ i nyin ɔ ´ci be nin-ɔn. Afin kɛ amun kpɔfuɛ'm be ko kata amun anuan'n, aliɛ kunngba ng'ɔ ko nyɛn i ko di'n i ngba yɛ ɔ o lɛ-ɔ.

Mmla'n 28:57

Kɛ amun kpɔfuɛ'm be ko kata amun anuan'n, bɔ bla'n ɔ nyan-man like di-man'n, ɔ ´fia di ba nɔnman bɔ ɔ'a wu i'n, ɔ nin i sin ninnge'n.