Mmla'n 28:52 - NYANMIƐN NDƐ'N 1998

⁵² Be ´taka be ngblaliɛ mun amun klɔ'm bé sin, yɛ be ´tran lɛ lele be bubu amun klɔ'm bé wun talɛ kpakpa nga be ti nglo-nglo bɔ amun lafi bé su amun mɛn'n nun'n. Be ´yo i sɔ mɛn nga Anannganman amun Nyanmiɛn'n fa mannin amun'n i wunmuan'n nun.

Mmla'n 28:52 ပူးပေါင်းရင်းမြစ်များ

2 Famiɛn Mun 18:13

Kɛ Ezekias yoli famiɛn'n, i afuɛ blu-nin-nnan'n su'n, Sankerib b'ɔ ti Asiri famiɛn'n fali alɛ wluli Zida klɔ nga be sisili bé wun'n be kwlaa be nun, nan ɔ'a fa be.

2 Famiɛn Mun 6:29

E tɔnnin mín wa'n e dili. Aliɛ cɛnnin'n, ɔ `fɛ i wa'n bla man e di'n, kpɛkuun ɔ'a fɛ i ɔ'a fia.»

Ezai 1:7

Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Zeremi 10:17

Zerizalɛm klɔ, bɔ ɔ kpɔfuɛ'm b'a sin b'a yia wɔ'n, man ɔ onga b'ɔ nannan asiɛ wun'n su.

Zeremi 10:18

Anannganman'n wan yoo: «Ndɛkɛn liɛ'n, n wa finndin mɛn nga nunfuɛ mun n yi i lɔ. Kɛ n ´fuan be'n, m ´mantan be koko nan m'an nyan be.»

Zeremi 37:8

Ɔ man Babilɔnifuɛ'm be wa sa bé sin be ´ba, be nin klɔ nga nunfuɛ mun be wa kun. Be ´fa klɔ'n, be ´wɔ nun.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Zakari 12:2

I waan: «N wa yo man Zerizalɛm ´yo kɛ ondoman sa, min ya'n bɔ n fa sunnzun nzan'n, ɔ ´yi i. Kpɛkuun nvle nga be mantan lɛ'n, be kwlaa be ´nɔn be ´bo. Ɔ ´bo Zidafuɛ mun bɔbɔ blɛ nga be kpɔfuɛ'm be wa sin yia Zerizalɛm'n.

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.

Mmla'n 28:51

Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.