Mmla'n 28:51 - NYANMIƐN NDƐ'N 1998

⁵¹ Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.

Mmla'n 28:51 ပူးပေါင်းရင်းမြစ်များ

2 Famiɛn Mun 25:10

Babilɔni sonja nga be nin gladi difuɛ'm be su kpɛn bali'n, be bubuli talɛ ng'ɔ si Zerizalɛm klɔ'n i wun'n.

Ezai 1:7

Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Zeremi 15:13

Zidafuɛ mun, n ´fa amun ninnge nin amun anwlɛn su ninnge mun m ´man amun ninnge fɛnfuɛ mun. Sa tɛ nga amun yoli i kɛ amun o amun asiɛ'n su wa'n i akatua'n yɛ ɔ o lɛ-ɔ.

Zeremi 17:3

Zerizalɛmfuɛ mun bɔ amun o oka b'ɔ o lika kpɛtɛkplɛɛ nun'n, sa tɛ nga amun yoli'n ti, amun amuɛn sɔwlɛ nga amun fa truli lika'n nun'n ti, n wa fa amun ninnge nin amun bɛ trɔ mun m ´man amún bo ninnge fɛnfuɛ mun.

Ngwlɛ Yilɛ 4:9

Be nga alɛ'n ɔ dili be'n, be wulɛ liɛ'n ɔ flunman tra be nga bɔ b'a wiewie lele b'a tra wiewielɛ su bɔ awe'n man be wu'n.

Ezekiɛl 12:19

Kan kle nvle'n nun sran mun kɛ: ‹Ndɛ nga Anannganman Nyanmiɛn kan kle Zerizalɛmfuɛ nga be kali Izraɛl asiɛ'n su'n be kwlaa'n yɛ: Be ´di be aliɛ'n akluntitiɛ nun, kɛ be ´nɔn be nzue'n, srɛ ´kun be. Yɛlɛ kɛ be mɛn'n wa tɔ srolo, like fi su tran-man nun kun. Be nga be tran nun yɛ'n bé sa kekleekle b'ɔ be yoli i nun'n ti.

Ezekiɛl 25:4

i ti'n, n ´fa amun m man be nga be fin wia afiliɛ lɔ'n, be wa bo be nanmue mun amun afiɛn. Be ´tran amun afiɛn. Be ´di amun waka mma mun. Be ´nɔn amun nɔnnɔn'n.

Saun Yolɛ 26:26

N ´to amun awe. Kpaun tɔnwlɛ kunngba nun sa yɛ bla blu be ´kwla be tɔn kpaun-ɔn. Kpɛkuun kpaun kanngan sa yɛ bla sɔ'm be ´fa blɛ amun-ɔn. Sɛ amun di bɔbɔ'n, ɔ su kata-man amun ku bo .

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Mmla'n 28:50

Sran sɔ'm be like yolɛ ´yo ya kpa. Bé nyin su yi-man kpɛnngbɛn mun. Yɛ kusu be su si-man bakan aunnvuɛ.

Mmla'n 28:52

Be ´taka be ngblaliɛ mun amun klɔ'm bé sin, yɛ be ´tran lɛ lele be bubu amun klɔ'm bé wun talɛ kpakpa nga be ti nglo-nglo bɔ amun lafi bé su amun mɛn'n nun'n. Be ´yo i sɔ mɛn nga Anannganman amun Nyanmiɛn'n fa mannin amun'n i wunmuan'n nun.