Mmla'n 28:50 - NYANMIƐN NDƐ'N 1998

⁵⁰ Sran sɔ'm be like yolɛ ´yo ya kpa. Bé nyin su yi-man kpɛnngbɛn mun. Yɛ kusu be su si-man bakan aunnvuɛ.

Mmla'n 28:50 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Nyanndra Mun 7:13

Kɛ e ´se yɛ'n, bla'n ɔ'a trɛ i ɔ'a tɔ i nun. Kɛ ɔ tɔli i nun sɔ'n, kpɛkuun ɔ tili i nyin'n bɔ cuan, ɔ seli i kɛ yoo:

Akunndanfuɛ'n 8:1

?Wan yɛ ɔ ti kɛ akunndanfuɛ'n i sa, b'ɔ si sa nga be ju'n be bo-ɔ? Ngwlɛlɛ'n ɔ fite sran i ngban su, kpɛkuun i nyrun wiwi'n i kwlaa wie.

Ezai 33:19

Amun su wun-man sran'm bɔ be sro-man sa'n be kun, bɔ be kan ndɛ-ɔ sran ti-man'n, bɔ be aniɛn'n fa-man aniɛn'n, bɔ i ti be kan-an sran ti-man'n.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Daniɛl 7:7

N tɛ wun ninnge mun kɔnguɛ sɔ'n. N ´nian-an, nnɛn'n i nnan su'n yɛ ɔ o yɛ. I sroesroe liɛ'n, ɔ kun srɛ dan, yɛ i fanngan b'ɔ lɛ i'n, be wun-man like bɔ be fa sunnzun i-ɔ. I je'm be ti kɛ blalɛ sa, be ti sa glaunglaun, yɛ ɔ fa titi ninnge'm be nun-ɔn. Kpɛkuun ɔ di be yɛ ɔ tiatia i onga'n su. Ɔ nin nnɛn klikli nsan'm be wafa ti-man kun mlɔnmlɔn. I wɛ liɛ'm be ti blu.

Daniɛl 8:23

Kɛ famiɛn diwlɛ sɔ'n be ko sin ko wie, bɔ sran'm be sa tɛ yolɛ'n ɔ'a yo dan ɔ'a tratra su'n, famiɛn tutrefuɛ kun b'ɔ ti gblɛ kpɛfuɛ dan kpa'n ɔ wa ba.

JÉSUS-CHRIST I DYASIN FE'N BO LUC KLELI'N 19:44

be ´bubu klɔ'n, yɛ be ´kun klɔ'n su sran mun, be su yaci-man talɛ fi lɛ yɛlɛ kɛ kɛ Nyanmiɛn wa niannin amun osu'n, amu'an wun-mɛn i wlɛ.»

Mmla'n 28:51

Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.