Mmla'n 28:48 - NYANMIƐN NDƐ'N 1998

⁴⁸ amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.

Mmla'n 28:48 ပူးပေါင်းရင်းမြစ်များ

1 Famiɛn Mun 8:33

Sɛ Izraɛlfuɛ mun bɔ be ti ɔ nvle'n nunfuɛ'n be yo sa, nan be kpɔfuɛ'm be kwla be'n, sɛ be kpɛ bé nyin ɔ́ wun nan be bo ɔ dunman'n, sɛ be srɛ wɔ nan be jran su'n,

2 Be Nyoliɛ 12:8

Sanngɛ kɛ ɔ ´yo nan b'a wun min sulɛ'n nin asiɛ'n su famiɛn'm be sulɛ bɔ be su be'n be ngbaciɛ'n, be ´yo Sisak i kanga.»

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 5:19

Sɛ be usa kɛ: ‹?Sanngɛ ɔ yo sɛ ti yɛ Anannganman e Nyanmiɛn'n yoli ye sa-a?› Tɛ be su kɛ: ‹I nun bɔ amun wo amun bɔbɔ amun mɛn'n nun lɔ'n, amun yacili min lɛ ko suli nvle uflɛ'm be nun amuɛn mun, i sɔ'n ti kusu yɛ man amun wa kɔ mɛn uflɛ nun amun ´ko su sran uflɛ mun nin-ɔn.› »

Ngwlɛ Yilɛ 1:14

Sa tɛ nga n yoli'n, ɔ'a fa kaci kɛ aya nyanman sa, ɔ'a sie i go, ɔ'a fa wla min kɔmin. E Min'n man n lɛ-man wunmiɛn kun. Sran ng'ɔ yili be kɛ be nin min be wa kun'n, n jran be nyrun-ɔn ɔ yo-man ye.

Ngwlɛ Yilɛ 1:3

Zidafuɛ mun'n, kɛ be ko wun nyrɛnnɛn'n yɛ be wunnin i-ɔ. Kanga nga be flɛ-mɛn i kanga'n yɛ be su di-ɔ. B'a tra be lomuɛn b'a ɔ nvle wie nun. Be o be nga be si-man Nyanmiɛn'n be afiɛn, nán wunmiɛn kaan sa yɛ be ko de-ɔ. Be yalɛ klefuɛ'm bé su be su, be waan nán be nyan bé ti nɔn nzue, be mian-mian bé sa fii!

Ngwlɛ Yilɛ 4:4

Nzue we'n ɔ'a kun ba nɔnman'm be lele be taaman'n ɔ'a mantan. Ba kanngan'm be sun awe lele ngbɛn, sran fi fa-man aliɛ kɔnndɔnman bɔ kun kle-man be.

Ezekiɛl 17:12

«Usa osu nga i nun sran'm bé nyin su ti klekle'n be kɛ: ‹?Amun si-man nyanndra nga i bo'n?› Se be kɛ: ‹Nian, Babilɔni famiɛn'n ɔli Zerizalɛm, ɔ trali famiɛn'n nin i awlo lɔ sran dandan mun, ɔ fali be ɔli Babilɔni lɔ .

Ezekiɛl 17:3

Se be kɛ: ‹Anannganman Nyanmiɛn'n wan yoo: Anunman nyin dan bɔ i ndɛwa'm be ti dandan vugba-vugbaa, bɔ i ndrɛ'm be ti tɛnndɛn'n, b'ɔ ti klanman toto nun'n, ɔ ɔli lele juli Liban yɛ ɔ ko kpɛli waka nga be flɛ kɛ sɛdri i ti'n su.

Ezekiɛl 17:7

Sanngɛ anunman nyin kun ekun b'ɔ ti dan ekun'n, ɔ bali. I ndɛwa'm be ti dandan kpa liɛ su, yɛ i ndrɛ'm be sɔnnin kpa. Nan vinyi waka'n i olui nin i sama mun b'a kpɛ be nyin i bue liɛ'n su, nan anunman nyin'n ɔ'a guɛguɛ i su nzue.

Ezekiɛl 23:29

Be ´yo wɔ sa tɛtɛ kpa, ɔ bo ninnge nga a dili junman nan w'a nyan be'n, be ´de be. Be ´jra wɔ kplɛn sa kli, yɛ be ´nian-nian wɔ kɛ tekle bla sa. Ɔ tekle nin ɔ wlaka'n ti-ɔ.

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Mmla'n 32:24

Awe'n ɔ ´kpɛn bé su, be ´glɔ, jɛkuajo nin tukpacɛ tɛtɛ'm be ´yo be. Kpɛkuun n ´yo man nnɛn wlɛfuɛ wie'm be wlu be nun, yɛ wuo nga be lɛ bɔyre'm be ´ka be.