Mmla'n 28:41 - NYANMIƐN NDƐ'N 1998

⁴¹ Amun ´wu ba yasua mun nin ba bla mun, sanngɛ be ´tra be, be ´fa be ´yo kanga, be su yo-man amun liɛ .

Mmla'n 28:41 ပူးပေါင်းရင်းမြစ်များ

2 Famiɛn Mun 24:14

Ɔ trali Zerizalɛm sran'm be kwlaa nin famiɛn'n i awlo lɔ sran dandan mun, nin sran kaklaakla mun bɔ be nuan'n ɔ ju akpi blu (10.000), be lomuɛn. Yɛ ajuin difuɛ mun, ɔ nin blalɛ bofuɛ bɔ be yo anuan'm be nun lakle mun'n, ɔ fali be kwlaa ɔli. Sran nga be ti-man nanndoliɛ'n be yɛ be kali lɛ-ɔ.

2 Be Nyoliɛ 28:8

I sin'n, Izraɛlfuɛ'm be trali be niaan Zidafuɛ'm be nun bla nin ba kanngan akpi-akpi ya nnyɔn (200.000) ɔli. Be fali bé bo ninnge kpanngban kpa, be fa ɔli Samari.

Ezai 65:23

Be su fɛ-man ngbɛn, be su wu-man ba nan ba sɔ'm b'a wu be nyin bo lɛ. Afin be ´flɛ be nin be osu'n nunfuɛ'm be kɛ be bɔ Anannganman yo be ye'n.

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Daniɛl 1:3

Nɛbikadnɛzar wlali i junman difuɛ'm be su kpɛn nga be flɛ i Aspɛnaz i su nun kpa kɛ ɔ `kpa Izraɛl gbanflɛn nga be ti famiɛn ba annzɛ diewa ba mun, nan ɔ fa be bla .

Mise 1:16

Amun mma bɔ amun klo be'n ti, an `yi amún ti mun. Amun `kpu amun ti'm be su, amun `kpu be su treketreke kɛ apɛtɛkuasi liɛ'n sa, afin be su wa tra amun mma mun ´kɔ mɛn wie nun.

Mmla'n 28:32

Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .