Mmla'n 28:4 - NYANMIƐN NDƐ'N 1998

⁴ Amun ´wu ba kaka, amun fie'm be ´yo kpa, amun nnɛn'm be kusu, i nannin o, i bua o, i boli o, be ´wu ba kpanngban.

Mmla'n 28:4 ပူးပေါင်းရင်းမြစ်များ

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

Bo Bolɛ 39:5

Kɛ Ezipt bian'n yoli sɔ'n, Anannganman kali lɛ yoli i awlo'n kpa Zozɛf ti. Anannganman yoli bian sɔ'n i ye i ninnge'm be kwlaa be nun, i awlo'n nun o, i fie'm be su o.

Bo Bolɛ 49:25

ɔ si i Nyanmiɛn b'ɔ suan ɔ́ bo'n, Nyanmiɛn b'ɔ kwla like kwlaa yo'n b'ɔ yo wɔ ye'n, man ɔ man wɔ nyanmiɛn su lɔ nzue ɔ nin asiɛ'n bo lɔ nzue'n wie. Man ɔ yo man ɔ nnɛn'm be wu ba nan wɔ akpasua su bla'm be wu ba.

Jue Mun 107:38

Nyanmiɛn yo be ye, be wu ba kpanngban kpa, bé sa nun nnɛn'm be trɛ.

Jue Mun 127:3

Aja nga Anannganman fa man awlo kun'n, like ng'ɔ fa cɛ i'n, i ti nin i bo'n yɛlɛ be klun ba .

Jue Mun 128:3

Ɔ yi'n ɔ ´yo wɔ awlo'n nun kɛ vinyi b'ɔ su mma'n sa. Ɔ mma mun'n, kɛ be ti aliɛ sin'n be ´di bɔ be wun be'n, be ´fa be sunnzun olivie kanngan bɔ b'a ta be'n.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Nyanndra Mun 13:22

Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Nyanndra Mun 20:7

Sran kun ng'ɔ ti sran kpa'n, bɔ i klun ti ufue'n, cɛn nga b'ɔ nun-man nun kun'n, i mma ng'ɔ yaci be i sin wa'n, be nanti muae su.

Saun Yolɛ 26:9

N ´jran amún sin, amun ´wu ba kaka, amun ´sɔn. N su yi-man amun ase. Aenguɛ nga min nin amun e trali'n, n ´di su titi .

Mmla'n 28:11

Anannganman ɔ ´yo man amun nyan ninnge kpanngban lika ng'ɔ tali amun nannan'm be nda kɛ ɔ ´fa man amun'n i nun. Amun ´trɛ, amun nnɛn'm be ´trɛ, amun fie'm be ´yo kpa.

Mmla'n 28:18

Amun su wu-man ba kaka, amun fie'm be su yo-man ye, amun nannin mun, nin amun bua mun, ɔ nin amun boli'm be su trɛ-man.

Mmla'n 28:3

Sran ng'ɔ tran klɔ'n, ɔ ´yo i ye, sran ng'ɔ tran blo'n, ɔ ´yo i ye.

Mmla'n 28:5

Ndidiɛ ninnge nga amun fa be sie amun gbogbo nin kpongbo be nun'n, be su wie-man le.

Mmla'n 7:13

Ɔ ´klo amun, ɔ ´yo amun ye, ɔ ´yo man amun ´nyan ninnge kpanngban. Ɔ ´man amun ba kpanngban yɛ amun ´trɛ, amun fie'm be su ninnge'm be ´yo ye, amun ´nyan ble, nin nzan, nin ngo kpanngban. Amun nannin mun, nin amun bua mun, nin amun boli mun be ´trɛ mɛn ng'ɔ tali amun nannan'm be nda kɛ ɔ ´fa man amun'n nun.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.