Mmla'n 28:38 - NYANMIƐN NDƐ'N 1998

³⁸ Amun ´di fie dandan, sanngɛ lalo'm be wie i nun ninnge'm be ´di. Like nga amun ´nyɛn i fie sɔ'm be su'n, ɔ ´yo kaan sa .

Mmla'n 28:38 ပူးပေါင်းရင်းမြစ်များ

1 Famiɛn Mun 8:37

Sɛ awe kpɛn wa'n, sɛ tukpacɛ bɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n ɔ kpɛn wa'n, sɛ aɛcɛ nin lalo'm be ba wa'n,

Ezipt Lɔ Tulɛ'n 10:4

Sɛ ɔ waan a kplin-man su'n, ainman, n wa sunman lalo mun ɔ mɛn'n i wunmuan'n nun.

Ezai 5:10

Sɛ be ta vinyi ɛktar nsan'n, nzan litri ablenun yɛ be ´nyɛn i nun-ɔn. Yɛ sɛ be gua ble kilo ya'n, be ´kpɛ ble kilo blu cɛ.»

Zeremi 12:13

Be guali ble, sanngɛ like nga be kpɛ'n yɛlɛ owie. Be fɛli lele ngbɛn, be su nyan-man like. Anannganman i ya dan b'ɔ fali'n ti'n like nga amun luali'n i su mma nga amun tili'n ti, man nyannzuɛn ´kun amun.»

Zoɛl 1:4

Like nga ndro'm be dili be yacili i onga'n, lalo'm be wa dili. Like nga lalo'm be dili be yacili i onga'n, klannan'm be wa dili. Like nga klannan'm be dili be yacili i onga'n, aɛcɛ'm be wa dili.

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Zoɛl 2:3

Like kwlaa nga be to i'n, be saci i, kpɛkuun bé sin wa lika wlolo'n ngbɛn yɛ ɔ ka lɛ kɛ sin wie bɔ ɔ'a yra lika ɔ'a sin'n sa. I blɛ nga bɔ be nian sin-man'n, asiɛ'n su lika'n ɔ ti bo kɛ Edɛni liɛ'n sa. Sanngɛ kɛ be sinnin'n, be sin wa'n ɔ yoli nyrɛnnɛn ngbɛn. Afin lika ng'ɔ kali bé sin, ɔ yoli kɛ aawlɛ flɛnnɛnnɛn sa. B'a yaci-man like fi lɛ.

Amɔs 4:9

«N fali tukpacɛ wie n yili i ninnge nga an lua'n be su. Be jin bé bo su lɛ sanngɛ wuun b'a wu kee, wie kusu-ɔ b'a kplɔ. N yoli man lalo'm be sacili amun fie mun. Amun vinyi fie mun nin amun figie fie ɔ nin amun olivie fie'm be sacili. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.» Anannganman'n yɛ ɔ kan sɔ kle amun-ɔn.

Mise 6:15

Amun ´lua ninnge mun, sanngɛ an su nyan-man nun like fi. Amun ´yi olivie ngo, sanngɛ an su nyan-man wie yo-man like fi nun. Amun ´yi nzan, sanngɛ an su nɔn-man.

Ndɛ Nga Nyanmiɛn I Nuan Ijɔfuɛ Aze Kannin'n 1:6

Amun fie'm bé su ninnge nga amun luali'n, ɔ'a sɔn-man ngowa, sanngɛ be su mma nga amun tili'n ti kaan sa. Aliɛ nga amun nyɛn i be di'n, ɔ ju-man amun. Nzan nga amun nyɛn i be nɔn'n, ɔ ju-man amun. Tralɛ nga amun nyɛn i be wla'n, ɔ kwla tu-man amún wun ayrɛ'n. Amun junman difuɛ'm be sika'n ɔ ti kɛ sika bɔ b'a fa sie bɔlɛ bɔ i bo ti fitiwa'n nun sa.»

Ndɛ Nga Nyanmiɛn I Nuan Ijɔfuɛ Aze Kannin'n 1:9

Amun buli kɛ amun wa nyan aliɛ kpanngban, kpɛkuun amun nyannin kaan sa. Nga amun fa ɔli klɔ'n, kɛ n fitali su'n, ɔ bo sanndili. ?Ɔ yo sɛ ti yɛ ɔ yoli sɔ-ɔ?» Anannganman b'ɔ sie mɛn waan: «Mín sua'n ɔ'a bu kusu wuun amun su kplin bé nyin be si amún sua liɛ mun.

Malasi 2:3

Sɛ amu'an nian-man amún wun kpa'n, n ´nunnun amun osu'n. Kɛ amun ´di be cɛn mun'n, n ´fa nnɛn nga amun fa yi tɛ'n be waka su'n n ´gua amún nyin'n nun. Be ´fa amun nin waka su sɔ'n yɛ be ´kɔ ofuɛ'n su lɔ-ɔ.

Mmla'n 28:42

Amun fie'm bé su waka nin aliɛ'm be ´yo aɛcɛ'm be liɛ .