Mmla'n 28:37 - NYANMIƐN NDƐ'N 1998

³⁷ Nvle nga Anannganman ´fa amun ´kɔ be nun'n, be nunfuɛ'm bé nuan ´bo bé wun. Be ´srisri amun, be ´yo amun finfin.

Mmla'n 28:37 ပူးပေါင်းရင်းမြစ်များ

2 Be Nyoliɛ 7:20

n ´tu amun min mɛn nga n fa mannin amun'n nun, yɛ sua nga n fali min dunman n sieli su'n, n su bu-mɛn i like fi kun. Ɔ ´yo kɛ wannzo nin nyannzuɛn like sa nvle-nvle'm be nunfuɛ'm be kwlaa be nyrun .

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Ngwlɛ Yilɛ 3:45

A yoli man y'a yo finfin, y'a kaci kɛ wla sa nvle kun nga'm bé nyrun.

Ezekiɛl 5:15

N ´fa ya dan kpa ɔ man n kle amun Zerizalɛmfuɛ'm amun nun, n ´kputu amun tɛtɛ kpa. Mɛnmɛn nga be sin yia Zerizalɛm'n be ´yo i wannzo, be ´kpɛ amun nzowa. Sanngɛ sa ng'ɔ juli Zerizalɛm klɔ'n su'n, be ´fa tu bé wun fɔ, kpɛkuun srɛ wa kun be kpa .› M bɔbɔ min Anannganman'n yɛ m'an kan kle amun-ɔn.

Zoɛl 2:17

Man Nyanmiɛn nyrun jranfuɛ'm bɔ be jrɛn i nyrun'n, be sun i sua'n i nyrun gbaun'n nin i sɔwlɛ'n be afiɛn'n nun lɛ. Man be srɛ Nyanmiɛn se kɛ: «Anannganman, ɔ sran mun yɛlɛ ye, si e aunnvuɛ. Ɔ liɛ yɛlɛ ye, nán yo man e wun nyannzuɛn nan nvle kun'm be nunfuɛ'm be srisri e be se kɛ: ‹?Ai, be Nyanmiɛn liɛ kpa'n, ɔ o nin?› »

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Mmla'n 28:28

Anannganman ɔ ´yo man amun ´bo fia, amun su wun-man sa wlɛ kun, Anannganman ɔ ´wla amun sinnzin.