Mmla'n 28:36 - NYANMIƐN NDƐ'N 1998

³⁶ Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .

Mmla'n 28:36 ပူးပေါင်းရင်းမြစ်များ

2 Famiɛn Mun 25:11

Sran nga be kali klɔ'n nun'n, ɔ nin be nga be fa bé wun ko mannin Babilɔni famiɛn'n, ɔ nin ajuin difuɛ nga be kali'n, Nɛbizaradan trali be lomuɛn ɔli Babilɔni.

2 Famiɛn Mun 25:21

Babilɔni famiɛn'n boli be lele, yɛ ɔ man be kunnin be Ribla lɔ. Ribla'n wo Amat mɛn'n nun. Kɛ Zidafuɛ'm be tuli bé bo be mɛn'n nun lɔ, kɛ ng'ɔ o lɛ'n sa.

2 Be Nyoliɛ 33:11

Yɛ Anannganman man Asiri famiɛn'n i sonja'm be su kpɛnngbɛn'm be wa tɔli be su-ɔ. Be trali Manase, be fali nga wie mun wlɛli i aoje'n nun, kpɛkuun be cili i klɛnnɛnklɛnnɛn nin aaba bɔ be yoli i tianman-tianman kɛ nyanman sa'n, nan b'a fɛ i b'a ɔ Babilɔni.

2 Be Nyoliɛ 36:1

Zidafuɛ'm be kpali Zozias wa Zɔakaz kɛ ɔ kaci i si Zerizalɛm lɔ.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

2 Be Nyoliɛ 36:20

Be nga tokofi'n ɔ'a nyan-man be bɔ b'a kun-man be'n, Nɛbikadnɛzar trali be ɔli Babilɔni. Ɔ ko fali be yoli i kanga. I sin'n, be yoli i osu'n nunfuɛ'm be kanga lele Pɛrsfuɛ'm be wa fali lika'n.

2 Be Nyoliɛ 36:6

Nɛbikadnɛzar b'ɔ ti Babilɔni famiɛn'n wa fali Zozakim i mɛn'n. Ɔ cili i klɛnnɛnklɛnnɛn ɔ nin aaba bɔ be yoli i tianman-tianman kɛ nyanman sa'n, yɛ ɔ fɛ i ɔli Babilɔni.

Ezai 39:7

Be wa fa ɔ bɔbɔ ɔ osu'n nun ba yasua wie mun, be ´sɛ be, be ´fa be kɔ Babilɔni famiɛn i awlo lɔ, yɛ be ´su i.› »

Zeremi 15:14

N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n, ɔ wa yra amun.

Zeremi 16:13

I sɔ'n ti, n ´to amun n ´guɛ i mɛn wie nun. Amun ´kɔ mɛn kun bɔ amún si'm b'a si-mɛn i bɔ amun kusu amun si-mɛn i'n nun. Amun ´su like wie mun lɔ kɔnguɛ nin wia su, afin n su si-man amun aunnvuɛ kun.› »

Zeremi 39:1

Sedesias i Zida sielɛ'n i afuɛ ngwlan'n i anglo blu'n su yɛ Nɛbikadnɛzar b'ɔ ti Babilɔni famiɛn'n nin i sonja'm be kwlakwla be wa kpɛli be ngblaliɛ Zerizalɛm klɔ wun-ɔn.

Zeremi 9:15

N ´yo man be bo sanndi nvle nga bé si'm be bɔbɔ be si-man be'n, nan se kɛ be yɛ be ´si be'n, be nun. N ´fa alɛ'n n su be su lele san be ´wie nunnun.»

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ngwlɛ Yilɛ 4:20

Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Ezekiɛl 11:9

‹N wa kan amun bo klɔ'n su kpɛkuun n ´fa amun n wla aofuɛ wie'm bé sa nun. N ´tu amun fɔ.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Mmla'n 29:17

Ɔ man nán amun nun sran kun, yasua annzɛ bla, nán awlo bo fi, nán akpasua fi, ɔ yaci Anannganman e Nyanmiɛn'n ɔ ko su nvle sɔ'm be amuɛn mun. Nán amun nun sran fi yo kɛ waka bɔ i mma'm be ti duwlɛ'n sa.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.

Mmla'n 4:28

Kpɛkuun amun ´sɔ amuɛn bɔ sran yɛ ɔ yili be mun. Amuɛn sɔ'm be ti waka annzɛ yɛbuɛ bɔ be wun-man ase, be ti-man sa, be kwla di-man like, be bue ti-man nvan'n. Amun ´sɔ be mɛn sɔ'm be nun.

1 Samiɛl 12:25

Sɛ amun yo sa tɛ-ɔ, o ´nunnun amun nin amun famiɛn'n.»