Mmla'n 28:32 - NYANMIƐN NDƐ'N 1998

³² Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .

Mmla'n 28:32 ပူးပေါင်းရင်းမြစ်များ

2 Be Nyoliɛ 29:9

I sɔ'n ti yɛ alɛ dili e mɛn'n nun yasua mun, yɛ be trali bla mun nin ba kanngan'm be lomuɛn nin-ɔn.

Zɔb I Nyrɛnnɛn Wunlɛ 11:20

Sanngɛ sran nga be bu-man Nyanmiɛn like fi'n be ´minndɛ ukalɛ'n lele ngbɛn. Be su nyan-man fiawlɛ. Like nga be minndɛ i'n ɔ ti kunngba, yɛlɛ wie'n.

Zɔb I Nyrɛnnɛn Wunlɛ 17:5

?Be nyan-man aliɛ be man-man be mma mun-ɔn, be ta nzrafuɛ sɛ?

Zɔb I Nyrɛnnɛn Wunlɛ 31:8

sɛ n ta like'n, man n wiengu uflɛ di. Man be tu min fie'n nun ninnge bɔ be ´fifi'm bé bo.

Jue Mun 119:123

N kunndɛ wɔ ukalɛ'n nin delɛ bɔ ɔ waan a ´de min'n lele ngbɛn.

Jue Mun 119:82

Ndɛ nga a kannin'n, m minndɛ i su sa'n lele ngbɛn. Siɛn'n, n usa mín wun kɛ: «?Cɛn onin ko yɛ ɔ ´fɔnvɔ min-ɔn?»

Jue Mun 69:3

Nnɔtiɛ wie bɔ m'an tɔ nun'n, i bo'n ti kploun kpa. Mín ja'n nyan-man takawlɛ, m'an tɔ nzue'n i kploun kpa'n nun, ɔ su kpalo min kɔ.

Ezai 38:14

N kpan fie fie kɛ alialia b'ɔ tu sin'n sa. N kplin kɛ auble sa. N kwla fa-man min nyinma n nian-man nyanmiɛn su lɔ kun. Awlaboɛ'n wo mín su dan, bla wa uka min.

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ngwlɛ Yilɛ 5:17

Ye anwlɛn b'ɔ ´kpɛ e klun'n, e nyinmuɛn b'ɔ ´jranjran é ti nun'n,

Ezekiɛl 24:25

I sin Anannganman seli min kɛ: «Klɔ sran, n wa de bé sua b'ɔ ti be fiawlɛ nin be aklunjuɛ like'n, bɔ be fa di be nuan'n, bɔ bé wla o su'n. N ´yo man be mma yasua mun nin be mma bla'm be fi bé sa.

Amɔs 5:27

I sɔ'n ti, n ´yo man be wa tra amun be ´kɔ Damas sin mmua lɔ kpa.» Nyanmiɛn b'ɔ sie mɛn wunmuan'n, b'ɔ suan Anannganman'n yɛ ɔ kan sɔ kle amun-ɔn .

Mise 2:1

Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Mise 4:10

Ɛɛn, an `kpita bé wun ase kɛ bla bɔ awuliɛ ɔ'a to i'n sa. Afin amun wa jaso klɔ'n su wa be ´ko la blo. Amun ´kɔ lele be ´ju Babilɔni lɔ kwlaa nan amu'an nyan amún ti, nan Anannganman'n ɔ'a de amun amun kpɔfuɛ'm bé sa nun.

Kalɛ 21:29

Ɔo, Moab yako! W'a mlin. Kɛmɔs i sufuɛ mun, amun lɛ-man manndran kun. Moab yacili i mma'm be lɛ be yoli Siɔn b'ɔ ti Amɔr famiɛn'n i bisuafuɛ mun.

Mmla'n 28:18

Amun su wu-man ba kaka, amun fie'm be su yo-man ye, amun nannin mun, nin amun bua mun, ɔ nin amun boli'm be su trɛ-man.

Mmla'n 28:31

Be ´kpɛ amun nannin'm be kɔmin amun nyrun lɛ, sanngɛ amun su di-man wie. Be ´wua amun aflunmun mun amun nyrun lɛ, be su yi man-man amun. Amun kpɔfuɛ'm be ´fa amun bua mun, amun su nyan-man sran b'ɔ ´uka amun ɔ de be bé sa nun-ɔn.

Mmla'n 28:41

Amun ´wu ba yasua mun nin ba bla mun, sanngɛ be ´tra be, be ´fa be ´yo kanga, be su yo-man amun liɛ .

Mmla'n 28:65

Kɛ amun wo nvle sɔ'm be nun lɔ'n, amún wla su gua-man ase. Amun su nyan-man lika kun bɔ amun ´tran nun amun ´de wunmiɛn-ɔn. Anannganman ɔ ´yo man kokolɛ'n yɛ amun ´koko-ɔ, amun ´nian ninnge mun sa saa, amun wla'n ɔ ´bo.