Mmla'n 28:31 - NYANMIƐN NDƐ'N 1998

³¹ Be ´kpɛ amun nannin'm be kɔmin amun nyrun lɛ, sanngɛ amun su di-man wie. Be ´wua amun aflunmun mun amun nyrun lɛ, be su yi man-man amun. Amun kpɔfuɛ'm be ´fa amun bua mun, amun su nyan-man sran b'ɔ ´uka amun ɔ de be bé sa nun-ɔn.

Mmla'n 28:31 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:28

Nyanmiɛn i ya cɛn'n nun'n, nzue dan wie ɔ wa fɛ i bo ninnge mun ´kɔ.

Ezai 62:8

Kɛ bɔ Anannganman ɔ kwla'n ti'n, ɔ tali nda kɛ yoo: «N su fa-man ɔ ble'n n man-man ɔ kpɔfuɛ'm be kɛ be fa ta bé wun, yɛ n su kplin-man su kɛ sran'm bɔ be fin lika wie'n be wa nɔn ɔ nzan lɔflɛ'n bɔ a fɛli nan ɔ'a nyɛn i'n.

Zeremi 5:17

Be ´di amun ninnge'n kwlakwla. Be ´di ɔ fie su lɔ aliɛ mun nan b'a di klɔ wa liɛ mun. Be ´kun amun mma mun, i yasua mun o, i bla mun o, be ´kun be. Be ´kun amun nnɛn mun, i boli mun o, i bua mun o, i nannin mun o, be ´kun be. Be ´saci amun vinyi fie mun nin amun figie fie mun. Amun lɔ klɔ nga be sisi bé wun b'ɔ man an bu i kɛ sa kwla nyan-man amun'n, be ´fa alɛ saci be.

Mmla'n 28:30

Sɛ amun nun sran wie tra bla wie ase kɛ ɔ ´jɛ i'n, yasua uflɛ yɛ ɔ ´kunndɛ i-ɔ. Amun ´kplan sua, sanngɛ amun su tran-man nun. Amun ´ta vinyi, sanngɛ amun su ti-mɛn i su mma.

Mmla'n 28:32

Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .

Jɔlɛ Difuɛ Mun 6:1

Izraɛlfuɛ'm be yoli like nga Anannganman klo-mɛn i ekun, nan Anannganman ɔ'a fa be a wlɛ i Madianfuɛ'm bé sa nun afuɛ nso.

Jɔlɛ Difuɛ Mun 6:4

Be wa bo be nanmue Izraɛlfuɛ'm be lika'n nun. Be saci be ninnge nga be lua be'n lele ɔ fa ju Gaza. Izraɛlfuɛ'm be fie su ninnge mun o, be bua mun o, be nannin mun o, be aflunmun mun o, b'a yaci-man kun sa lɛ!