Mmla'n 28:25 - NYANMIƐN NDƐ'N 1998

²⁵ Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.

Mmla'n 28:25 ပူးပေါင်းရင်းမြစ်များ

1 Famiɛn Mun 8:33

Sɛ Izraɛlfuɛ mun bɔ be ti ɔ nvle'n nunfuɛ'n be yo sa, nan be kpɔfuɛ'm be kwla be'n, sɛ be kpɛ bé nyin ɔ́ wun nan be bo ɔ dunman'n, sɛ be srɛ wɔ nan be jran su'n,

2 Be Nyoliɛ 28:8

I sin'n, Izraɛlfuɛ'm be trali be niaan Zidafuɛ'm be nun bla nin ba kanngan akpi-akpi ya nnyɔn (200.000) ɔli. Be fali bé bo ninnge kpanngban kpa, be fa ɔli Samari.

2 Be Nyoliɛ 29:8

Ɔ man Anannganman fali ya Zerizalɛmfuɛ mun nin Zidafuɛ'm be wun. Anannganman man be wla boli, be akunndan sanngannin, yɛ ɔ man sran'm be srisrili be. Ndɛ nin ndɛ amun tɛ wun i sɔ.

2 Be Nyoliɛ 6:24

Sɛ Izraɛlfuɛ mun bɔ be ti ɔ nvle'n nunfuɛ'n be yo sa'n nan be kpɔfuɛ'm be kwla be'n, sɛ be kpɛ bé nyin ɔ́ wun nan be bo ɔ dunman'n, sɛ be srɛ wɔ nan be jran su'n,

Ezai 30:17

Amun kpɔfuɛ'm be nun sran kunngba ɔ ´wlanwlan amun nun sran akpi. Yɛ sɛ be nun sran nnun be wlanwlan amun'n, amun ngba kwlaa amun ´wanndi. I agualiɛ su'n, be nga be ´nyan nguan'n, be ngunmin yɛ be ´ka lɛ-ɔ. Be ´yo kɛ waka wie bɔ b'a kplɛn i oka kun su, bɔ i ngunmin o lɛ couun'n sa. Be ´yo kɛ nzɔliɛ kun bɔ b'a fa sie i kpɔlɛ kun su'n sa.»

Zeremi 19:7

Lika nga nun wa'n, n ´saci Zidafuɛ mun, nin Zerizalɛmfuɛ'm be ngwlɛlɛ'n nga be ´fa'n. N ´yo man be ´tɔ be kpɔfuɛ'm be nyrun. Be bɔ be klo-man be nin nguan'n, be ´nyan be. N ´fa be saka'n n ´fa gua anunman nin bo nun nnɛn'm be bo man be di.

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Ezekiɛl 23:46

Afin min Anannganman Nyanmiɛn n wan yoo: ‹Man sran'm bé bo yo kun be jaso bé wun, n ´fa be n wlɛ i akluntitiɛ nun. Yɛ be ´fɛn bé bo ninnge mun.

Ndɛ Nga Nyanmiɛn I Nuan Ijɔfuɛ Oze Kannin'n 8:3

Sanngɛ kusu wuun b'a yi sa kpa yolɛ'n i blo, ɔ man kusu be ´wanndi be kpɔfuɛ'm be nyrun.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Mmla'n 28:7

Anannganman ɔ ´yo man amun kpɔfuɛ nga be nin amun ´ba alɛ kunlɛ'n, be su nyan-man jranwlɛ. Be balɛ'n su be ´fa atin kunngba, sanngɛ be kɔlɛ'n su'n, be wanndi be fa atin nso.

Mmla'n 32:30

?Sran kunngba cenje kwla fuan sran akpi? ?Sran nnyɔn cɛ be kwla fuan sran akpi blu? N ´tɛ su kɛ: Ɛɛn! Sɛ min Anannganman bɔ n ti kɛ yɛbuɛ sa bɔ be talo min'n, sɛ n fa be n wla be kpɔfuɛ'm be sa nun'n, be kwla yo be sɔ.

Zozie 7:4

Yɛ sran kɔe akpi nsan (3.000) be ɔli-ɔ. Be ɔli kpɛkuun b'a wanndi Aifuɛ'm be nyrun.

Jɔlɛ Difuɛ Mun 2:14

Yɛ Anannganman ɔ wa fali ya dan kpa Izraɛlfuɛ'm bé wun nan ɔ'a man ninnge fɛnfuɛ'm be atin kɛ be `fɛn bé bo ninnge mun. Ɔ yoli man b'a kwla jran-man be kpɔfuɛ nga be mantan be lɛ'n be nyrun kun.

1 Samiɛl 4:10

Filistifuɛ'm be nin Izraɛlfuɛ'm be kunnin kpɛkuun be kwlali be. Izraɛlfuɛ'm be wanndi ɔli be awlo kunngun'm be nun. Be kwlali Izraɛlfuɛ'm be tɛtɛ kpa. Izraɛlfuɛ'm be nun sran akpi-akpi ablasan (30.000) tɔli.