Mmla'n 28:24 - NYANMIƐN NDƐ'N 1998

²⁴ Anannganman su tɔ-man nzue'n asiɛ'n su, ndutre nin aunnyan fuɛ'n yɛ Anannganman ´fita gua amún su-ɔ, lele san amun ´wie nunnun.

Mmla'n 28:24 ပူးပေါင်းရင်းမြစ်များ

Bo Bolɛ 19:24

Yɛ Anannganman yoli man Sufru fin nglo lɔ jue guali Sodɔm klɔ'n nin Gomɔr klɔ'n be su. Ɔ guali be su dan.

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Amɔs 4:11

«N sacili amun klɔ'n kɛ n fa sacili Sodɔm nin Gomɔr laa'n sa. Sanngɛ amun fin nun be fiteli kɛ b'a yi yiendre wie sin'n nun sa. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Ndɛ Nga Nyanmiɛn I Nuan Ijɔfuɛ Aze Kannin'n 1:10

I ti yɛ man bɔlɛ kaan sa ɔ'a fin-man nyanmiɛn su lɔ ɔ'a kpɛntɛn-man asiɛ wun wa, bɔ kusu ninnge nga amun luali be fie'm be su'n b'a yo-man kpa nin-ɔn.

Mmla'n 11:17

Sɛ ɔ yo sɔ-ɔ, Anannganman ´fa amún wun ya. Ɔ ´tannin nzue'n, nyanmiɛn su nzue'n su tɔ-man, kpɛkuun fie'm bé su yo-man ye, yɛ mɛn klanman bɔ Anannganman fa mannin amun'n, amun su cɛ-man nun .

Mmla'n 28:12

Anannganman ´tike i ninnge kpakpa'm bé su ´man amun. Ɔ ´tike nyanmiɛn su nzue'n, kpɛkuun kɛ nzue tɔlɛ blɛ'n ɔ ju'n, ɔ ´tɔ i nan ninnge nga amun ´yo be'n be yo ye. Amun ´bo nvle sunman be bosia, sanngɛ amun liɛ'n, amun su usa-man afɛ le.

Mmla'n 28:23

Nzue su tɔ-man kun, asiɛ'n ´yo kekleke kɛ blalɛ sa.