Mmla'n 28:22 - NYANMIƐN NDƐ'N 1998

²² Anannganman ɔ ´yo man amun ´yo kokloo. Amun wunnɛn ´trɔ fiaan, ayrɛ ´gua amun wun, jɛkuajo ´tra amun. Amun wunnɛn'n ´kaka amun, ɔ ´susu. Ɔ ´yo man lika'n ɔ ´wu kee, ble nin ɔrz'n be ´wu kee, be ´kplɔ. Sa sɔ'm be kwlakwla be ´tɔ amún su lele san amun ´wie nunnun.

Mmla'n 28:22 ပူးပေါင်းရင်းမြစ်များ

1 Famiɛn Mun 17:7

Kɛ ɔ cɛli kaan'n, kpɛkuun nzue ba'n i nun nzue'n wieli nun, afin nzue'n ɔ'a tɔ-man mɛn sɔ'n nun.

1 Famiɛn Mun 8:37

Sɛ awe kpɛn wa'n, sɛ tukpacɛ bɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n ɔ kpɛn wa'n, sɛ aɛcɛ nin lalo'm be ba wa'n,

2 Be Nyoliɛ 6:28

Sɛ awe kpɛn'n, sɛ tukpacɛ b'ɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n kpɛn wa'n, sɛ aɛcɛ nin lalo mun be ba wa'n, sɛ ɔ nvle'n nunfuɛ'm be kpɔfuɛ mun be wa utu bé mɛn'n, sɛ sa kekle fanunfanun ju be su'n, sɛ tukpacɛ fanunfanun yo be'n, sɛ i kwlaa sɔ'n nun be kwlaa be wun sa nga be yoli'n, yɛ sɛ ɔ yo be ya'n nan be srɛ wɔ kpa sakpa'n, yɛ sɛ be man bé sa'm be su nan be tinngɛ be sua nga ndɛnman'n, kɛ a o ɔ tranwlɛ'n nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa nin-ɔn.

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Saun Yolɛ 26:16

sa nga n ´fa wla amun nun'n yɛ o yɛ: sa sroesroe mun bɔ be kun srɛ'n, ɔ nin nzisi koklo'n, ɔ nin ayrɛ ng'ɔ gua bé wun'n yɛ n ´to n yi amún su-ɔ. I sɔ ninnge liɛ mun'n, be man sran'n ɔ tu i ba nun, yɛ be man ngokoɛ ɔ kun i. Amun ´di fie ngbɛn, san be nga be nin amun be kun'n, be yɛ be ´fɛ i su ninnge'm be ´di-ɔ.

Amɔs 4:9

«N fali tukpacɛ wie n yili i ninnge nga an lua'n be su. Be jin bé bo su lɛ sanngɛ wuun b'a wu kee, wie kusu-ɔ b'a kplɔ. N yoli man lalo'm be sacili amun fie mun. Amun vinyi fie mun nin amun figie fie ɔ nin amun olivie fie'm be sacili. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.» Anannganman'n yɛ ɔ kan sɔ kle amun-ɔn.

Ndɛ Nga Nyanmiɛn I Nuan Ijɔfuɛ Aze Kannin'n 1:11

N yoli man ngua wa lika'n nin oka lika'm be wuli kee. Ble fie mun nin vinyi fie, nin olivie fie mun, ɔ nin fie wafa-wafa'n kwlaa, wie fi ɔ'a yo-man ye. Sran nin nnɛn'm be kwlaa be fɛli. Sran'm be junman'n, wie fi ɔ'a yo-man ye.»

Ndɛ Nga Nyanmiɛn I Nuan Ijɔfuɛ Aze Kannin'n 2:17

Amun junman nga amun dili'n, n sacili be ngba'n. Amun ninnge nga amun luali be'n, n fali tukpacɛ n yili bé wun, n fali nzraama bɔ kɛ nzue tɔ'n ɔ gua'n n fa sacili be. Sanngɛ amu'an sa-man amun sin mín wun.

Ndɛ Nga Nyanmiɛn I Nuan Ijɔfuɛ Aze Kannin'n 2:19

Ble fi nun-man tanngannin'm be nun kun. ?Ato-ɔ? Vinyi, nin figie, nin grenadie ɔ nin olivie'm b'a su-man mlɔnmlɔn. Sanngɛ kɛ ɔ fin ndɛ'n, n ´yo man amun ´di ye.»

Zakari 14:12

Nvle nga be sonja mun bɔ be nin Zerizalɛmfuɛ'm be ´ba kunlɛ'n, sa nga bɔ Anannganman ´fa wla be nun'n yɛ. Bé wunnɛn'n ´kplɔ sanngɛ wuun bé nyin tɛ o su. Be nyinma'n ´kplɔ bé ti nun, be taaman'n ´kplɔ bé nuan nun.

Mmla'n 28:23

Nzue su tɔ-man kun, asiɛ'n ´yo kekleke kɛ blalɛ sa.

Mmla'n 32:24

Awe'n ɔ ´kpɛn bé su, be ´glɔ, jɛkuajo nin tukpacɛ tɛtɛ'm be ´yo be. Kpɛkuun n ´yo man nnɛn wlɛfuɛ wie'm be wlu be nun, yɛ wuo nga be lɛ bɔyre'm be ´ka be.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.