Mmla'n 28:21 - NYANMIƐN NDƐ'N 1998

²¹ Anannganman ɔ ´yo man tukpacɛ ng'ɔ sa ndɛndɛ su yaci-man amun yolɛ. Tukpacɛ sɔ'n ɔ ´tru gua amun wun lele san ɔ ´kun amun mɛn nga amun ´ko fa'n nun lɔ.

Mmla'n 28:21 ပူးပေါင်းရင်းမြစ်များ

2 Samiɛl 24:15

Yɛ Anannganman man tukpacɛ b'ɔ sa ndɛndɛ'n yoli Izraɛlfuɛ mun-ɔn. Kɛ ɔ boli i bo nglɛmun'n, ɔ yoli be lele san blɛ nga Anannganman kleli'n ɔ juli. Sran akpi-akpi ableso (70.000) be wuli Izraɛl mɛn'n nun. Be wuli Dan lele fa ju Beɛr-Seba.

1 Famiɛn Mun 8:37

Sɛ awe kpɛn wa'n, sɛ tukpacɛ bɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n ɔ kpɛn wa'n, sɛ aɛcɛ nin lalo'm be ba wa'n,

Ezipt Lɔ Tulɛ'n 5:3

Moiz nin Aarɔn be seli i kɛ: «Ebre'm be Nyanmiɛn'n, Anannganman e Nyanmiɛn'n fɛli i wun kleli ye. Man e cɛn nsan man e fa nanti e wɔ aawlɛ flɛnnɛn'n nun lɔ nan e ko yi tɛ e mɛn i. Sɛ ɔ'a yo-man sɔ'n, ɔ ´fa alɛ nin tukpacɛ bɔ sa ndɛndɛ wie nunnun ye.»

Zeremi 15:2

Sɛ be usa kɛ: ‹?Nin yɛ e wɔ-ɔ?› Tɛ be su kɛ: ‹Anannganman'n wan yoo: Be bɔ tukpacɛ b'ɔ sa ndɛndɛ ko kun be'n, man ɔ kun be. Be bɔ alɛ'n ko kun be'n, man ɔ kun be. Be bɔ awe'n ko kun be'n, man ɔ ko kun be. Be bɔ be ko tra be lomuɛn ko wɔ'n, man be tra be wɔ .› »

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 24:10

M man alɛ'n ´tɔ be su, awe'n ´kpɛn be su, tukpacɛ b'ɔ sa ndɛndɛ'n ´tɔ be su lele san be ´nunnun be ´tu lika nga n fa mannin be nin be nannan mun'n nun.› »

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Amɔs 4:10

«N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Zakari 14:12

Nvle nga be sonja mun bɔ be nin Zerizalɛmfuɛ'm be ´ba kunlɛ'n, sa nga bɔ Anannganman ´fa wla be nun'n yɛ. Bé wunnɛn'n ´kplɔ sanngɛ wuun bé nyin tɛ o su. Be nyinma'n ´kplɔ bé ti nun, be taaman'n ´kplɔ bé nuan nun.

Kalɛ 14:12

N wa fa tukpacɛ b'ɔ sa ndɛndɛ kun n ´fa nunnun be kwlaa, i sin n wa yo man ɔ osu liɛ'n ´kaci nvle dan kun b'ɔ ´nyan wunmiɛn tra nvle nga.»

Kalɛ 25:9

Sanngɛ be nga be wuli nyrɛnnɛn sɔ'n ti'n be ti sran akpi-akpi ablaɔn-nin-nnan (24.000).

Matthieu 26:7

bla kun bɛli i wunlɛ. Parfɛn bɔ i gua ti kekle kpa'n i albatri sɛ kun o i sa nun. Kɛ be ti aliɛ'n sin, bla sɔ'n ɔ fa parfɛn sɔ'n guɛli Jésus i ti'n su.