Mmla'n 28:2 - NYANMIƐN NDƐ'N 1998

² Sɛ amún nyin yi Anannganman amun Nyanmiɛn'n, ye fanunfanun ng'ɔ ´yo amun'n be yɛ:

Mmla'n 28:2 ပူးပေါင်းရင်းမြစ်များ

Jue Mun 128:4

Sran nga i nyin yi Anannganman'n, kɛ Anannganman ´mɛn i muae sɔ-ɔ.

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Mmla'n 11:27

Sɛ amun fa Anannganman amun Nyanmiɛn'n i mmla nga n fa man amun ndɛ yɛ'n bé su'n, amun ´nyan muae.

Mmla'n 28:15

Sɛ kusu amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla nga n ´fa man amun ndɛ yɛ'n bé su'n, sɛ amu'an nian-man be su b'a nanti-man'n, nyrɛnnɛn sa ng'ɔ wa ´ju amún su'n yɛ:

Mmla'n 28:3

Sran ng'ɔ tran klɔ'n, ɔ ´yo i ye, sran ng'ɔ tran blo'n, ɔ ´yo i ye.

Mmla'n 28:45

Sɛ amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla fanunfanun b'ɔ fa mannin amun'n bé su'n, sa yalɛ nga be o lɛ'n be kwlaa be ´ju amún su lele san amun nvle'n ´nunnun.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.