Mmla'n 28:16 - NYANMIƐN NDƐ'N 1998

¹⁶ Sran ng'ɔ tran klɔ'n, sa yalɛ ´nyɛn i, sran ng'ɔ tran blo'n, sa yalɛ ´nyɛn i kusu.

Mmla'n 28:16 ပူးပေါင်းရင်းမြစ်များ

Bo Bolɛ 5:29

Ɔ flɛli i kɛ Noe, yɛ ɔ seli kɛ: «Ba nga yɛ ɔ ´yo man e wa de wunmiɛn kan junman dilɛ nun-ɔn. Afin kɛ Anannganman boli asiɛ'n i sannzan'n, junman dilɛ'n ɔ'a yo ya, ɔ ti afɛ.»

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 17:12

Bla'n tɛli i su kɛ: «N kan Anannganman ɔ Nyanmiɛn'n! N lɛ-man kpaun bewa lɛ. N like nga n lɛ i'n yɛlɛ sanmlɛn kan. Ɔ ti bé sa buɛ kun, ɔ o sɛ'n i bo lɔ. Yɛ n lɛ ngo kaan sa sɛ mma kun nun. M bali kɛ n wa bu yie kan nan n ´fa ko tɔn sanmlɛn kan sɔ'n nan e nin mín wa'n e ´di, kpɛkuun wie'n yɛ e su minndɛ i siɛn nin-ɔn.»

1 Famiɛn Mun 17:5

Yɛ ɔ niannin nga Anannganman kan kleli i'n su yoli-ɔ. Ɔ ɔli ko trannin Kɛrit nzue ba'n wun lɛ Zurdɛn'n i ndɛnman lɛ.

Zɔb I Nyrɛnnɛn Wunlɛ 24:18

Amun waan: Sran nga be bu-man Nyanmiɛn like fi'n be jran-man, be ti kɛ like fokofoko wie bɔ nzue'n ɔ kpalo i kɔ'n sa. Sannzan o be lika'n su. Be kwla fa-man kan vinyi o lɔ'n i atin'n kun.

Nyanndra Mun 3:33

Sa wiwi'n cɛ yɛ Anannganman to yi klunwifuɛ'n i awlo nun-ɔn. Klun-ufuefuɛ'm be kusu, muae klanman yɛ ɔ bo man be-ɔ.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Zeremi 14:18

A kɔ fie su lɔ-ɔ, kɛ fuɛn'm be tru sa. A wlu klɔ nun-ɔn, awe'n kle-man sran'm be yalɛ ngowa. Yɛ min nuan ijɔfuɛ nin min nyrun jranfuɛ'm be wlan mɛn nun'n, be wun-man sa ng'ɔ ju'n be nyanndra.› »

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 5:10

E wunnɛn'n ɔ yra e fiaan kɛ fur nun yɛ e o sa awe b'ɔ kun ye'n i dunman nun.

Zoɛl 1:4

Like nga ndro'm be dili be yacili i onga'n, lalo'm be wa dili. Like nga lalo'm be dili be yacili i onga'n, klannan'm be wa dili. Like nga klannan'm be dili be yacili i onga'n, aɛcɛ'm be wa dili.

Zoɛl 2:3

Like kwlaa nga be to i'n, be saci i, kpɛkuun bé sin wa lika wlolo'n ngbɛn yɛ ɔ ka lɛ kɛ sin wie bɔ ɔ'a yra lika ɔ'a sin'n sa. I blɛ nga bɔ be nian sin-man'n, asiɛ'n su lika'n ɔ ti bo kɛ Edɛni liɛ'n sa. Sanngɛ kɛ be sinnin'n, be sin wa'n ɔ yoli nyrɛnnɛn ngbɛn. Afin lika ng'ɔ kali bé sin, ɔ yoli kɛ aawlɛ flɛnnɛnnɛn sa. B'a yaci-man like fi lɛ.

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Mmla'n 28:55

I wa'm be nnɛn b'ɔ su man-man i fuɛ'm be wie'n i ti yɛ i nyin ɔ ´ci be nin-ɔn. Afin kɛ amun kpɔfuɛ'm be ko kata amun anuan'n, aliɛ kunngba ng'ɔ ko nyɛn i ko di'n i ngba yɛ ɔ o lɛ-ɔ.