Mmla'n 28:15 - NYANMIƐN NDƐ'N 1998

¹⁵ Sɛ kusu amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla nga n ´fa man amun ndɛ yɛ'n bé su'n, sɛ amu'an nian-man be su b'a nanti-man'n, nyrɛnnɛn sa ng'ɔ wa ´ju amún su'n yɛ:

Mmla'n 28:15 ပူးပေါင်းရင်းမြစ်များ

Bo Bolɛ 3:14

Anannganman Nyanmiɛn seli wuo'n kɛ: «Like nga a yoli i lɛ'n ti, nán yo kpa klɔ nnɛn nin blo nnɛn'm be nun le. A wa cuɛn ɔ wun ase, yɛ a ´di ndutre lele a ´fa ju ɔ wie cɛn.

Bo Bolɛ 4:11

Kɛ ɔ fin ndɛ'n, sa nga a yoli bɔ man asiɛ'n ɔ'a nɔn ɔ niaan bian'n i mmoja'n ti'n, asiɛ'n nin wɔ b'a nyɛn i.

Bo Bolɛ 4:12

I sɔ'n ti a wa di asiɛ'n su junman lele ngbɛn, a su nyan-man nun like fi. A wa yo finfinfuɛ, a wa wlan-wlan sa daan lika'n nun cɛn'n kwlaa.»

2 Be Nyoliɛ 12:5

Sɛmaɛza b'ɔ ti Nyanmiɛn nuan ijɔfuɛ'n ko toli Rɔbɔam nin i awlo lɔ sran dandan mun Zerizalɛm lɔ, afin kɛ Sisak ´ba'n, be ko yiali lɔ. Ɔ seli be kɛ: «Anannganman wan yoo: ‹Amun kacili amun sin sili min! N kusu n ´fa amun wla Sisak sa nun.› »

2 Be Nyoliɛ 34:24

«Anannganman b'ɔ ti Izraɛl Nyanmiɛn'n wan yoo: ‹N wa yo man nyrɛnnɛn ´tɔ lika ng'ɔ o yɛ'n nin i nunfuɛ'm be su. Sannzan nga be klɛli i wun ndɛ fluwa nga be kɛnngɛnnin i famiɛn'n nyrun'n i nun'n, n ´yo man i kwlaa sɔ'n ´ba sakpa.

2 Be Nyoliɛ 7:19

Sanngɛ sɛ amun fa atin uflɛ'n, sɛ amun gua min mmla fanunfanun nga n fa mannin amun'n be ase'n, yɛ sɛ amun ko sɔ amuɛn mun nan amun koto bé bo'n,

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Zeremi 11:8

sanngɛ b'a sie-man bé su nan se kɛ tielɛ yɛ be ´tie-ɔ. Bé klun klo like liɛ nga be waan be ´yo'n yɛ be yoli-ɔ. Kɛ n kɛn i lele bɔ b'a fa-man su'n, yɛ min kusu n niannin aenguɛ sɔ'n nun sa ng'ɔ ti bɔ n `fa yo be'n yɛ n fa yoli be-ɔ.› »

Zeremi 26:4

Se be kɛ Anannganman'n wan yoo: «Amun `tie ndɛ nga n kan'n, amun `nian min mmla bɔ n fa mannin amun'n su.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 36:31

Sa tɛ ng'ɔ nin i osu'n, ɔ nin i awlo nun sran dandan'm be yoli'n, n yo man be ´fɛ i su afɛ'n. Nyrɛnnɛn sa nga m boli be kasiɛ'n bɔ b'a bu-mɛn i ndɛ'n, n ´fa yi be nin Zerizalɛmfuɛ mun nin Zidafuɛ'm be su.› »

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 40:2

Gladi difuɛ kpɛn'n man be ko fali Zeremi bali nan ɔ'a se i kɛ: «Nyrɛnnɛn sa nga ɔ'a ju klɔ nga su yɛ'n, Anannganman ɔ Nyanmiɛn'n ɔ boli su.

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Ndɛ Nga Nyanmiɛn I Nuan Ijɔfuɛ Oze Kannin'n 7:12

Sanngɛ kɛ be ´tu kɔ sɔ'n, n ´to min lala'n n ´gua bé su, n ´yi be ase kɛ anunman sa. Kɛ be sa tɛ'n fa ti ju'n, i su yɛ n ´fa tu be fɔ-ɔ .

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Mmla'n 11:28

Sɛ kusu amu'an ti-man Anannganman amun Nyanmiɛn'n i mmla'n, nan amun yaci atin nga n ´kle amun ndɛkɛn yɛ'n i lɛ amun ko sɔ amuɛn bɔ amun si-man be laa'n, amun ´sokpa.

Mmla'n 28:2

Sɛ amún nyin yi Anannganman amun Nyanmiɛn'n, ye fanunfanun ng'ɔ ´yo amun'n be yɛ:

Mmla'n 28:45

Sɛ amu'an ti-man Anannganman amun Nyanmiɛn'n i aniɛn'n, sɛ amu'an fɛ-mɛn i mmla fanunfanun b'ɔ fa mannin amun'n bé su'n, sa yalɛ nga be o lɛ'n be kwlaa be ´ju amún su lele san amun nvle'n ´nunnun.

Mmla'n 29:19

Anannganman su yaci cɛ-mɛn i. Ɔ ´fɛ i wun ya dan kpa, ɔ ´fa sa yalɛ nga be kan be ndɛ fluwa nga nun'n ɔ ´yi i su. Ɔ ´nunnun i dunman asiɛ'n su.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Zozie 23:15

Kɛ Anannganman b'ɔ ti amun Nyanmiɛn'n fa yiali i kasiɛ kpakpa'm bé nuan'n, i kunngba nin-ɔn, ɔ wa yiɛ i ndɛ wiwi ng'ɔ kan kleli amun'n be kwlakwla bé nuan. Sɛ ɔ ti amun nunnunlɛ-ɔ, ɔ ´nunnun amun mɛn kpa ng'ɔ fa mannin amun'n nun.

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»

Jɔlɛ Difuɛ Mun 2:15

Alɛ kwlaa nga be kunnin'n, Anannganman ɔ'a jran-man bé sin kɛ Anannganman bɔbɔ dun mmua kan kleli be'n sa. Ɔ'a jran-man be sin kɛ ɔ tali nda kleli be'n sa. I sɔ'n ti awlaboɛ dan kpa tɔli be su .

1 Samiɛl 4:10

Filistifuɛ'm be nin Izraɛlfuɛ'm be kunnin kpɛkuun be kwlali be. Izraɛlfuɛ'm be wanndi ɔli be awlo kunngun'm be nun. Be kwlali Izraɛlfuɛ'm be tɛtɛ kpa. Izraɛlfuɛ'm be nun sran akpi-akpi ablasan (30.000) tɔli.