Mmla'n 28:12 - NYANMIƐN NDƐ'N 1998

¹² Anannganman ´tike i ninnge kpakpa'm bé su ´man amun. Ɔ ´tike nyanmiɛn su nzue'n, kpɛkuun kɛ nzue tɔlɛ blɛ'n ɔ ju'n, ɔ ´tɔ i nan ninnge nga amun ´yo be'n be yo ye. Amun ´bo nvle sunman be bosia, sanngɛ amun liɛ'n, amun su usa-man afɛ le.

Mmla'n 28:12 ပူးပေါင်းရင်းမြစ်များ

1 Famiɛn Mun 18:1

Kɛ ɔ yoli sɔ'n, ɔ cɛli kpa bɔ lɔun, kpɛkuun Anannganman wa kan ndɛ kleli Eli. Kɛ nzue'n jrannin'n, i afuɛ nsan su yɛ Anannganman i nuan toli Eli-ɔ. Ɔ seli i kɛ: «Kɔ, fa ɔ́ wun kle Akab, afin n su wa tɔ nzue asiɛ'n su.»

Zɔb I Nyrɛnnɛn Wunlɛ 38:22

?Laglasi b'ɔ fin nglo lɔ gua'n, w'a ju kan be sie i lɔ'n i sin nan ɔ'a gua'n i nun lɔ le? ?Nzraama bɔ kɛ nzue tɔ'n ɔ gua'n, w'a wun i finwlɛ le?

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Nyanndra Mun 22:7

Sikafuɛ yɛ ɔ sie yalɛfuɛ-ɔ. Sran ng'ɔ fa like sran sa nun'n, ɔ kaci kɛ sran sɔ i akua sa.

Ezekiɛl 34:26

N ´yaci be lɛ be ´tran min oka'n i wun lɛ. N ´yo man nzue'n ɔ ´tɔ i tɔlɛ blɛ'n nun, yɛ ɔ wa yo be muae like.

Saun Yolɛ 26:4

min kusu sɛ nzue'n i tɔlɛ'n ju-ɔ, n ´tɔ i m ´man amun nan fie'm be `yo ye nan waka'm be kusu be `su kpa.

Mmla'n 11:14

ɔ ju i blɛ-ɔ, ɔ ´tɔ nzue amun asiɛ'n su. Ɔ ´tɔ junman yolɛ blɛ nzue'n, nin wawa nzue'n. Ɔ man amun ´nyan ble, nin nzan, nin ngo kaka.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 15:10

Sɛ be usa amun afɛ sɔ'n, amun `fa man be. Amun ´fa man be kusu-ɔ, man ɔ yo amun klun su klanman. Sɛ amun yo i sɔ'n, Anannganman amun Nyanmiɛn'n ɔ ´yo man like kwlaa nga amun yo'n nin junman kwlaa nga amun di'n, ɔ ´yo ye amun sa nun.

Mmla'n 15:6

Sɛ Anannganman amun Nyanmiɛn'n ko yo amun ye kɛ ɔ kan kleli amun'n sa'n, amun ´bo nvle sunman be bosia, sanngɛ amun liɛ'n, amun su usa-man afɛ. Amun ´sie nvle sunman, sanngɛ amun liɛ'n, be wie fi su sie-man amun.

Mmla'n 23:20

Sɛ amun niaan Izraɛlfuɛ wie usa amun afɛ'n, sɛ sika o, sɛ aliɛ o, sɛ like uflɛ wie o, nán amun se kɛ ɔ su i bo.

Mmla'n 28:24

Anannganman su tɔ-man nzue'n asiɛ'n su, ndutre nin aunnyan fuɛ'n yɛ Anannganman ´fita gua amún su-ɔ, lele san amun ´wie nunnun.

Mmla'n 28:44

Be bɔ amun ko bo be bosia'n, amun yɛ amun wa usa be afɛ-ɔ. Be yɛ be ´sie amun-ɔn, yɛ amun ´yo be sufuɛ.