Mmla'n 28:1 - NYANMIƐN NDƐ'N 1998

¹ Sɛ amun nyin yi Anannganman amun Nyanmiɛn'n, nan amun fa mmla nga n ´fa man amun ndɛ yɛ'n be su'n, sɛ amun nian bé su nanti'n, Anannganman amun Nyanmiɛn'n ɔ ´yo man amun nvle'n i dan ´tra mɛn'n nun nvle'm be kwlaa kpan.

Mmla'n 28:1 ပူးပေါင်းရင်းမြစ်များ

1 Be Nyoliɛ 14:2

David wunnin i kɛ Anannganman b'ɔ fɛli i sieli famiɛn'n man ɔ ´nyan jranwlɛ nan i sielɛ'n ´yo kpa kɔ i nyrun tititi. Yɛ ɔ si kɛ Izraɛl b'ɔ ti Nyanmiɛn i nvle'n i ti yɛ man i sielɛ'n ti sɔ-ɔ.

Jue Mun 106:3

Be nga Anannganman i mmla'n su yɛ be nanti'n, bɔ be yo sa i nuan su titi'n, be liɛ su ti ye!

Jue Mun 111:10

Be nyin b'ɔ yi Anannganman yɛ ɔ ti ngwlɛlɛ silɛ'n i bo bolɛ nin-ɔn. Be kwlaa nga be yo i sɔ'n, be lɛ akunndan ti-ɔ. I manmanlɛ wie-man mlɔnmlɔn le .

Jue Mun 119:128

Wɔ mmla nga a sie be'n, be kwlaa be ti su. Atin ng'ɔ ti gblɛ atin'n, mín nyin ci i.

Jue Mun 119:6

nan sɛ sa sɔ'n wie kpɛn min klun'n, m'an wun-man su nyannzuɛn i kasiɛn nun'n ti.

Jue Mun 148:14

Ɔ ukɛli i nvlefuɛ'm be wunmiɛn'n su. I sufuɛ nanwlɛfuɛ mun bɔ be yɛlɛ Izraɛlfuɛ mun bɔ be ti i nvle'n i nunfuɛ bɔ be fa bé wun mɛntɛn i'n, be fɛ i di be nuan . Amun `manman Anannganman!

Jue Mun 91:14

Anannganman waan: «Ɔ klo min, i sɔ'n ti n ´fɛ i n ´fia, n ´sɛsɛ i afin ɔ si min.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 23:22

Sɛ amún nyin yi i kpa'n, nan amun yo like nga n se amun kɛ amun yo'n, amun kpɔfuɛ'm be ´yo min kpɔfuɛ wie, yɛ e nin be nga be nin amun be kun alɛ'n e ´kun.

Ezipt Lɔ Tulɛ'n 23:25

M bɔbɔ min Anannganman bɔ n ti amun Nyanmiɛn'n yɛ amún `su min-ɔn. N ´yra min nuan klanman man amun, i ti amun ´nyan aliɛ diwa nin nzue nɔnwa. N ´yo man amun su tɔ-man tukpacɛ.

Ezai 1:19

Sɛ amun sie amun su amun tie ndɛ nga n kan n kle amun'n, amun ´di mɛn nga nun ninnge kpakpa mun.

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Zeremi 12:16

Laa, be kleli min nvlefuɛ mun kɛ be `fa Baal dunman'n be ta nda, sanngɛ sɛ be suan min nvlefuɛ'm be nantilɛ'n nan sɛ be fa min dunman'n be ta nda be se kɛ: ‹N kan Anannganman'n, n ´fa be n ´sie i min nvlefuɛ'm be nun.

Zeremi 17:24

Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Jean 15:14

Sɛ an fa min ndɛ'n su'n, an ti n janvuɛ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Mmla'n 11:13

Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,

Mmla'n 11:27

Sɛ amun fa Anannganman amun Nyanmiɛn'n i mmla nga n fa man amun ndɛ yɛ'n bé su'n, amun ´nyan muae.

Mmla'n 15:5

Sanngɛ ɔ fata kɛ amun ti Anannganman amun Nyanmiɛn'n i aniɛn, nan amun `fa mmla nga m ´man amun ndɛ yɛ'n be su.

Mmla'n 26:18

Ndɛkɛn'n, amun kusu amu'an ta nda kɛ amun ´yo i nvle klonglonglo kɛ ɔ fa kannin'n sa, nan amun ´fɛ i mmla'm bé su.

Mmla'n 26:19

Anannganman amun Nyanmiɛn'n, ɔ klo kɛ amun nyan nyrun. Ɔ klo kɛ amun nvle'n yo dan nan i dunman'n fu, nan i nyrun ba nyan tra nvle ng'ɔ jrali be asiɛ'n su'n be kwlakwla. I liɛ'n, amun ´yo i nvle klonglonglo kɛ ɔ fa kannin'n sa.»

Mmla'n 28:13

Sɛ amun fa Anannganman amun Nyanmiɛn'n i mmla nga n ´fa man amun ndɛ yɛ'n bé su'n, nan amun nian bé su nanti'n, Anannganman man amun yɛ amun ´dun mmua nvle'm be kwlaa be nyrun-ɔn, amun su ka-man siɛn. Amun ´tran nvle'm be ti su, amun su tran-man bé bo.