Mmla'n 27:26 - NYANMIƐN NDƐ'N 1998

²⁶ «Sran nga ɔ'a fa-man mmla nga i nun ndɛ'm bé su'n, nan ɔ'a nian-man su ɔ'a nanti-man'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 27:26 ပူးပေါင်းရင်းမြစ်များ

2 Famiɛn Mun 22:13

«Amun `wɔ be ko wun Anannganman wun, man ɔ kan fluwa nga be wunnin i'n i wun ndɛ kle amun. Amun `wɔ min nin Zidafuɛ mun e dunman nun, afin kɛ n niɛn i sa'n, e nannan'm b'a fa-man fluwa nga nun ndɛ'm be su. B'a nian-man ndɛ sɔ'm be su b'a nanti-man. I ti Anannganman i ya nga ɔ'a fɛ i é wun'n ti-man blɛblɛ.»

Ɛsdras 7:26

Sran kwlaa nga ɔ'a fa-man ɔ Nyanmiɛn i mmla'n su sɛsɛ annzɛ min mmla'n su sɛsɛ'n, man be tu i fɔ. Sɛ ɔ ti kunlɛ-ɔ, man be kun i. Sɛ ɔ ti i mɛn'n nun fuanlɛ-ɔ, man be fuɛn i! Sɛ sika yɛ be ´de i-ɔ, man be de i. Sɛ ɔ ti bisua-a, man be wlɛ i.»

Jue Mun 119:21

Wun tufuɛ tɛ nga be fa-man ɔ mmla'n su mlɔnmlɔn'n, a nin be `yia nun.

Ezekiɛl 18:24

«?Sɛ sran kpa kun yoli sa i nuan su laa, kpɛkuun siɛn'n ɔ su yo sa tɛ'n, sɛ ɔ su nian tete sa nga klunwifuɛ'n yo'n su ´yo wie'n, ɔ ´kwla fite nun? Cɛcɛ, bé wla ´fi i sa kpa ng'ɔ yoli'n su. I sa tɛtɛ b'ɔ yoli'n nin kpɔcilɛ b'ɔ kpɔcili min'n ti, ɔ ´wu.

Matthieu 25:41

I sin n ´se be nga be gua m bɛ su'm be kɛ: ‹Amun bɔ n Si boli amun sannzan'n, an `jao min wun lɛ wɔ anannganman sin bɔ be trɔ mannin mmusu'm bé si Satan nin i anz mun'n nun.

Rɔmfuɛ Mun 10:5

Afin Moiz kannin mmla'n bɔ be fa su yɛ be yo sran kpa'n i ndɛ kɛ: «Sran ng'ɔ fa mmla'n su'n, ɔ ´nyan nguan .»

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

2 Korɛntfuɛ Mun 3:9

Sɛ like nga be yo-ɔ ɔ man be bu sran fɔ'n ɔ lɛ nyrun dan sɔ'n, like nga kusu bɔ be yo-ɔ ɔ man Nyanmiɛn bu sran sran kpa'n, ɔ lɛ nyrun trɛ i fatifati.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Mmla'n 27:15

«Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»