Mmla'n 27:25 - NYANMIƐN NDƐ'N 1998

²⁵ «Sran nga be cɛ i like kɛ ɔ `fa nan ɔ `kun sran wie bɔ ɔ'a yo-man sa fi'n, b'ɔ sɔ nun'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 27:25 ပူးပေါင်းရင်းမြစ်များ

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Saun Yolɛ 19:16

Nán amun tɔn amun osufuɛ'm be suɛn. Nán amun fua amun wiengu kun i ti nan amun tɔn i suɛn man be fa ndɛ be yi i su nan be kun i ngbɛn. Min yɛ n ti Anannganman nin-ɔn.

Matthieu 26:15

nan ɔ'a usa be kɛ: «?Sɛ n fɛ i man amun'n, nguɛ yɛ amun ´man min-ɔn?» Nan be nɛn a sɛ su kɛ be ´mɛn i jɛtɛ ufue ablasan .

Sa nga bé yôli'n 1:18

Kɛ bian sɔ'n fa sika ng'ɔ nyɛnnin i sa tɛ yolɛ nun'n toli asiɛ kun'n, ɔ tɔ utuli i nyin ase, i ku'n kpukeli, yɛ i klun ninnge'm be guali.

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Jɔlɛ Difuɛ Mun 9:24

Anannganman yoli sɔ nan abɔlɛ nga be yoli Zɛribaal i mma ableso mun'n, be nyɛn i nuan akatua. I waan Abimelɛk b'ɔ kunnin be'n, ɔ nyɛn i liɛ, nan Sisɛm kpɛnngbɛn'm bɔ be ukɛli i'n be kusu be nyan be liɛ.