Mmla'n 27:20 - NYANMIƐN NDƐ'N 1998

²⁰ «Sran ng'ɔ nin i si i yi be la'n, b'ɔ ti kɛ ɔ'a kuakua i si sa'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 27:20 ပူးပေါင်းရင်းမြစ်များ

Bo Bolɛ 35:22

Be o lɛ kpɛkuun Ribɛn wa wluli i si i soman Bila sin, ɔ nin i be lali, kpɛkuun i si Izraɛl tili. Zakɔb wuli ba yasua blu-nin-nnyɔn.

Bo Bolɛ 49:4

Ɔ like yolɛ yo ya kɛ nzue ba b'ɔ kpalo'n viavia'n sa. Sanngɛ nán wɔ yɛ a ´nyan kpɛn nin-ɔn. Sa ti'n, yɛlɛ kɛ a wluli mín yi'n kun sin a nin i be lali. A sokpali min.

2 Samiɛl 16:22

Yɛ be siesieli tannin sua kun sua'n i ti su nglo lɔ-ɔ, nan Absalɔm nin i si i soman mun b'a la Izraɛlfuɛ'm be kwlaa be nyrun.

1 Be Nyoliɛ 5:1

Ribɛn ti Izraɛl i wa klikli. Ribɛn ti ba klikli sɔ, sanngɛ ɔ nin i si i yi'n be lali, ɔ man aja ng'ɔ fata kɛ ba klikli'n nyɛn i'n, ɔ'a nyɛn-mɛn i. Aja sɔ'n yoli Zozɛf liɛ. Izraɛl i wa kun ekun-ɔn. Ɔ man b'a bu-man Ribɛn kɛ ɔ ti ba kpɛnngbɛn kun.

Ezekiɛl 22:10

Ɔ lɔ'n, sran'm be nin bé si i yi be si sua, yɛ be mian bla nga b'a yo mannza'n be nin be si sua kekle nun.

Saun Yolɛ 18:7

Nán man amun nin amún nin be si sua nan amun gua amún si nyin ase. Sɛ ɔ ti nyin ase gualɛ-ɔ, amun gua amun nin bɔbɔ i nyin ase wie, afin i yɛ ɔ ti amún nin nin-ɔn.

Saun Yolɛ 18:8

Nán man sɛ amún si i yi uflɛ o lɛ-ɔ, amun nin i si sua. Ɔ ti-mɛn ti-ɔ, ɔ ti amún si i nyin ase gualɛ.

Saun Yolɛ 20:11

Sɛ sran kun kunndɛ i si i yi'm be nun kun'n, ɔ ti i si'n i sokpalɛ. Ɔ fata kɛ be kun be nnyɔn'n bɔ be yoli sa'n. Be bɔbɔ yɛ be kunndɛli bé wie nin-ɔn.

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

1 Korɛntfuɛ Mun 5:1

Be ti i lika'n kwlaa kɛ amu'an fa bla nin bian kunndɛlɛ'n amu'an cici amún ti lele ɔ man amun nun kun a de i si yi'n. Bla kunndɛlɛ wafa sɔ'n, be bɔ be ti-man Kristfuɛ'n bɔbɔ be yo-man .

Mmla'n 23:1

Sran kun lɛ-man atin b'ɔ ´jɛ i si i yi-ɔ. Ɔ ti kɛ ɔ'a kpaja i si i bo kondro'n sa.