Mmla'n 27:2 - NYANMIƐN NDƐ'N 1998

² Cɛn nga amun kpɛ Zurdɛn'n nan amun wlu mɛn nga Anannganman amun Nyanmiɛn'n ɔ'a fa man amun yɛ'n nun lɔ'n, amun `kplankplan yɛbuɛ dandan mun, amun `kan be ayre ufue.

Mmla'n 27:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:24

wuun be ´fa blalɛ piembie nin sunmun, be ´fa klɛ i yɛbuɛ kun su bɔ cɛ.

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

Ezekiɛl 36:26

M ´man amun anwlɛn uflɛ yɛ n ´wla amun nun akunndan uflɛ. N ´yi amun anwlɛn bɔ ɔ'a kete kɛ yɛbuɛ sa'n i blo, yɛ m ´man amun anwlɛn kun b'ɔ ti wɛtɛɛ.

Mmla'n 11:31

Zurdɛn'n yɛ amun su wa kpɛ amun ´ko fa mɛn nga Anannganman amun Nyanmiɛn'n ɔ'a fa man amun'n lɛ-ɔ. Kɛ amun fa mɛn sɔ'n, amun ´tran nun lɛ'n,

Mmla'n 26:1

Cɛn nga amun ju mɛn nga Anannganman amun Nyanmiɛn'n ɔ'a fa man amun kɛ amun fa'n i nun'n bɔ amu'an tran nun'n,

Mmla'n 27:1

Moiz nin Izraɛl kpɛnngbɛn'm be bo ti kun yɛ ɔ kannin ndɛ nga mun kleli Izraɛlfuɛ mun-ɔn, i waan: «Amun `nian mmla nga n ´fa man amun ndɛkɛn yɛ'n su amun `nanti.

Mmla'n 27:3

Kpɛkuun mmla nga n fa sieli amun nyrun'n, i ndɛ'n kwlaa amun `fa klɛ bé su. Kɛ amun ko ju mɛn bɔ Anannganman amun nannan'm be Nyanmiɛn'n seli kɛ ɔ ´fa man amun i nun lɔ'n, amun `yo sɔ. Ɔ ti mɛn kun bɔ i asiɛ'n ɔ yo like ye kpa, i kunngba'n ɔ ti nnɛn tawlɛ klanman.

Mmla'n 27:4

Kɛ amun ko kpɛ Zurdɛn'n, amun `fa yɛbuɛ nga n waan amun kplankplan'n, amun `kplan be Ebal oka'n su, kpɛkuun amun `kan be ayre ufue.

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Mmla'n 9:1

Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Zozie 1:11

be `wlan nanmue nun be `se Izraɛlfuɛ'm be kɛ: «Amun `tɔn aliɛ be sie, afin ɔ ka le nsan amun wa kpɛ Zurdɛn'n, amun ´ko fa mɛn nga Anannganman amun Nyanmiɛn'n waan ɔ ´fa man amun'n.»

Zozie 4:1

Kɛ Izraɛlfuɛ'm be kwlaa be wieli Zurdɛn'n kpɛ'n, Anannganman seli Zozie kɛ:

Zozie 8:30

Zozie kplannin Izraɛl Nyanmiɛn'n i sɔwlɛ kun oka nga be flɛ i Ebal'n su.

Zozie 8:31

Ɔ kplɛnnin i kɛ Anannganman i sufuɛ Moiz kan kleli Izraɛlfuɛ mun'n sa. Be klɛli ndɛ sɔ'n Moiz i fluwa'n nun kɛ: «Be `fa yɛbuɛ nga blalɛ nian kɛn-mɛn i'n yɛ be fa kplan Nyanmiɛn sɔwlɛ sɔ nin-ɔn!» Be yili tɛ nga be yrɛ i nnɛn'n kɔlikɔli'n kwlaa ɔ nin bo kun yolɛ i su tɛ'n.

Zozie 8:32

Izraɛlfuɛ'm be nyrun lɛ'n, mmla nga Moiz klɛli be laa'n, Zozie klɛli be yɛbuɛ wie'm be su ekun.