Mmla'n 27:15 - NYANMIƐN NDƐ'N 1998

¹⁵ «Sran ng'ɔ yo waka sran, annzɛ ɔ klo blalɛ fa yi like wie, nan ɔ fa fia lika wie nan ɔ su i'n, nán man ɔ wun ye le. Afin like sɔ bɔ ajuin difuɛ'm be yo'n, Anannganman nyin ci i.» Kpɛkuun man Izraɛlfuɛ'm be kwlakwla be tɛ su kɛ: «Man ɔ yo sɔ!»

Mmla'n 27:15 ပူးပေါင်းရင်းမြစ်များ

Bo Bolɛ 31:19

Kɛ ɔ ´yo sɔ'n, wuun Laban ɔ'a ɔ i bua'm be ndrɛ'n i kpɛkpɛlɛ. Kpɛkuun Rasɛl wuɛli i si i awlo amuɛn mun.

Bo Bolɛ 31:34

Kannzu Rasɛl fali amuɛn sɔ mun sieli be nyɔnngɔnmɛn'n i sin bia'n i bo kpɛkuun ɔ trannin su. Laban nian-niannin i sua'n nun lɔ lele ngbɛn, ɔ'a wun-man like fi.

Bo Bolɛ 9:25

nan ɔ'a se kɛ: «Nán Kanaan yo kpa! Man ɔ yo i niaan'm be kanga klun kanga .»

2 Famiɛn Mun 17:19

Zidafuɛ mun bɔbɔ b'a fa-man Anannganman b'ɔ ti be Nyanmiɛn'n i ndɛ'm bé su. Be nantili atin nga Izraɛlfuɛ'm be kpɛli'n su.

2 Famiɛn Mun 23:13

Sraka yiwlɛ lika'n bɔ be o Zerizalɛm ndɛnman'n, bɔ Salomɔn b'ɔ ti Izraɛl famiɛn'n kplannin be Olivie Oka'n su'n, Zozias sacili be. Salomɔn kplannin amuɛn sua sɔ mun mannin Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. Amuɛn sɔ'm be kwlaa be ti tete like ngunmin.

1 Be Nyoliɛ 16:36

Amun `la Anannganman b'ɔ ti Izraɛl Nyanmiɛn'n i ase titi! Sran'm be kwlaa be tɛli su kɛ: «Man ɔ yo sɔ! E manman Anannganman!»

2 Be Nyoliɛ 33:2

Ɔ yoli sa ng'ɔ yo-man Anannganman fɛ'n. Nvle nga Anannganman fuannin be nun sran mun'n, b'ɔ fali be lika'n mannin Izraɛl'n, Manase niannin be tete sa nga be yo be'n be su yoli wie.

Ezipt Lɔ Tulɛ'n 20:23

Nán amun yo jɛtɛ ufue annzɛ sika ɔkwlɛ amuɛn kɛ amun su i be ´fa uka min su.

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Ezipt Lɔ Tulɛ'n 34:17

Nán amun klo like kɛ jɛtɛ ufue, annzɛ sika ɔkwlɛ, annzɛ aaba fa kaci amun amuɛn.

Ezai 44:13

Waka sɛfuɛ'n ɔ sunnzun waka nin nyanman, ɔ fa laklɛ fa jaja amuɛn ba'n i wafa'n, yɛ ɔ fa soma fa sɛ, kpɛkuun ɔ fa like kpitɛ i wun ɔ yo mlɔnnɔnnɔnnɔn. Ɔ yo like sɔ'n kɛ sran sa, ɔ yo i nyrun klanman kɛ sran'm be liɛ'n sa, yɛ ɔ fɛ i sie sua kun nun.

Ezai 44:17

Ɔ fɛ i onga'n fa yo amuɛn, ɔ fa sɛ waka sran, ɔ su i, ɔ koto i bo, ɔ kpan flɛ i. Ɔ se kɛ: «De min! Afin wɔ yɛ n sɔ wɔ-ɔ.»

Ezai 44:19

Be wie fi lɛ-man akunndan, be wie fi si-man sa, be wie fi lɛ-man ngwlɛlɛ b'ɔ ´se kɛ: «N fali waka'n i wie n trɔli sin, yɛ n tɔnnin kpaun sin sɔ'n i sɛnmlɛn'n su, n nyintɔnnin nnɛn su n dili. Kpɛkuun m'an fɛ i onga'n m'an yo tete like! M'an koto waka losin'n i bo!»

Zeremi 11:3

Se be kɛ Anannganman b'ɔ ti Izraɛl Nyanmiɛn'n waan yoo: ‹Sran nga ɔ'a nian-man aenguɛ nga e nin amun e trali su ɔ'a nanti-man'n, i yako! Aenguɛ sɔ'n yɛlɛ nga kɛ ɔ fin cɛn bɔ n fali amun nannan mun ɔ liɛ Ezipt sin fɛtɛ sɔ'n nun fiteli'n e trali'n. N seli be kɛ: Sɛ an tie min aniɛn nan an nian sa nga n fa sieli amun nyrun'n i kwlaa su'n, an ´yo min nvle yɛ min kusu n ´yo amun Nyanmiɛn.

Zeremi 11:5

Kpɛkuun nda nga n tali amun nannan mun kɛ n ´fa asiɛ bɔ ti nnɛn tawlɛ klanman b'ɔ kunngba'n yo like ye'n m ´man be'n, n ´yiɛ i nuan.› I kusu yɛ amun wun i andɛ yɛ, yɛ n tɛli i su kɛ: ‹Anannganman, man ɔ yo sɔ!› »

Zeremi 23:24

?Ɔ lɛ kɛ sran kun ɔ'a fia kpa nan n wun-mɛn i? Anannganman'n yɛ ɔ usa sɔ-ɔ. Ɔ usa ekun kɛ: «?Nán min yɛ n wo lika kwlaa nin-ɔn, nyanmiɛn su wa o, asiɛ'n su lɔ o?»

Zeremi 28:6

«Fiaa! Man ɔ yo sɔ. Man Anannganman'n yo i sɔ. Man Anannganman'n nian ndɛ nga a ´kɛn i lɛ'n su yo, man Anannganman fɛ i sua'n i nun ninnge nga be fa ɔli Babilɔni'n bla.

Ezekiɛl 14:4

Ɔ man se be kɛ yoo: ‹Anannganman Nyanmiɛn wan yoo: Sran kwlaa ng'ɔ ti Izraɛlfuɛ'n b'ɔ fɛ i wun wla amuɛn sɔlɛ nun'n, bɔ i nyin o like b'ɔ fɛ i yili sa tɛ nun'n i su'n, sɛ ɔ ba mín nuan ijɔfuɛ'n i nyrun'n, m bɔbɔ min Anannganman yɛ n ´tɛ i su-ɔ. Kɛ ɔ ´ba sɔ'n, kɛ amuɛn ng'ɔ sɔ be'n be kpanngban fa ti ju'n, i su yɛ n ´nian yɛ n ´fa tɛ i su-ɔ.

Ezekiɛl 7:20

Be fali be ninnge kpakpa mun fa dili tutre. Be yoli amuɛn bɔ be ti tete like'n, bɔ be ti sroesroe kpa'n. I sɔ'n ti n wa yo man bé nyin ´tu i sɔ ninnge'm be su.

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Saun Yolɛ 19:4

Nán amun su amuɛn'm be kun. Amun `yaci amuɛn nga be fa blalɛ annzɛ like ng'ɔ ti kɛ blalɛ sa be yo be mun. Min yɛ n ti Anannganman amun Nyanmiɛn nin-ɔn.

Saun Yolɛ 26:1

«Nán amun kpɛ amuɛn ba. Waka sran nga be taka'n, ɔ nin yɛbuɛ amuɛn nga be taka'n, nán amun yo wie. Nán amun fa yɛbuɛ be sɛ amuɛn be klɛ i wun wɛnkɛɛn kɛ amun ´fa sie amun mɛn'n nun wa nan amun sɔ i. Afin min yɛ n ti Anannganman amun Nyanmiɛn nin-ɔn.

Kalɛ 5:22

Man nzue yɛ'n b'ɔ man wunnzue'n, ɔ wlu ɔ wunnɛn'n wunmuan nun, nan ɔ `wla ɔ ku'n, yɛ man ɔ klun yo kpan.› Kpɛkuun man bla'n ɔ tɛ su kɛ: ‹Ɛɛn, man ɔ yo sɔ. Ɛɛn, man ɔ yo sɔ.› »

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

Mmla'n 27:14

Man Levifuɛ'm be kusu be man be nɛn'n su be kan kle Izraɛlfuɛ'm be kwlaa kɛ:

Mmla'n 29:17

Ɔ man nán amun nun sran kun, yasua annzɛ bla, nán awlo bo fi, nán akpasua fi, ɔ yaci Anannganman e Nyanmiɛn'n ɔ ko su nvle sɔ'm be amuɛn mun. Nán amun nun sran fi yo kɛ waka bɔ i mma'm be ti duwlɛ'n sa.

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Mmla'n 5:8

Nán yo amuɛn fi nin like wie fi b'ɔ fa nglo lɔ like, annzɛ b'ɔ fa asiɛ'n su wa like, annzɛ b'ɔ fa nzue b'ɔ o asiɛ'n i bo lɔ nun like.

Mmla'n 7:25

Be amuɛn nga be yoli be mun'n, amun `yi be sin nun, amun `wɔ be nun. Nán amun nyin blo jɛtɛ ufue annzɛ sika ɔkwlɛ nga be o bé amuɛn sɔ'm be wun'n be su. Nán amun fa amuɛn sɔ mun sie amún wun. Sɛ amun yo sɔ-ɔ, ɔ cɛ-man nan amu'an sɔ be, afin be ti tete like Anannganman nyrun.

Jɔlɛ Difuɛ Mun 17:3

Ɔ yili jɛtɛ ufue mma akpi kun'n nin ya'n mɛnnin i nin, yɛ i nin seli i kɛ: «Min wa, n waan n ´fa sika nga n wlɛ i Anannganman i sa nun ɔ dunman su. Fa man be fa yo waka sran nan be klo aaba guɛ i wun. I ti'n, de, n su fa man wɔ.»

Jɔlɛ Difuɛ Mun 17:4

Sanngɛ ɔ fali sika'n mannin i nin ekun, nan i nin ɔ'a fa nun jɛtɛ ufue mma ya nnyɔn. Ɔ fa mannin ajuin difuɛ'n nan ɔ'a fa yi sika sran nan ɔ'a klo aaba a guɛ i wun. Yɛ be fa sieli i Mika i sua lɔ-ɔ.

1 Samiɛl 26:19

Nannan, sie ɔ́ su, min waan n kan ndɛ kle wɔ. Sɛ Anannganman yɛ ɔ su ɔ bo kɛ a yo min like'n, man ɔ sɔ tɛ nga n yi mɛn i nun'n, sɛ kusu klɔ sran mun yɛ be wlawla wɔ'n, man Anannganman man nyrɛnnɛn tɔ bé su afin be waan be ´fuan min nan n jaso Anannganman i mɛn'n nun. Be klo kɛ n wɔ n ko sɔ amuɛn mun.