Mmla'n 27:13 - NYANMIƐN NDƐ'N 1998

¹³ Kpɛkuun man Ribɛn, nin Gad, nin Azɛr, nin Zabilɔn, nin Dan, ɔ nin Nɛftali be kusu be jran Ebal oka'n su, be kan nyrɛnnɛn sa nga be wa ju mun.»

Mmla'n 27:13 ပူးပေါင်းရင်းမြစ်များ

Bo Bolɛ 29:32

Lea wunnzɛli, ɔ wuli ba yasua kun nan ɔ'a flɛ i kɛ Ribɛn. Ɔ seli kɛ: «Anannganman wunnin min nyrun nyannzuɛn'n. Siɛn liɛ'n, min wun'n ɔ wa klo min.»

Bo Bolɛ 30:20

Ɔ seli kɛ: «Nyanmiɛn ɔ'a cɛ min like klanman. Siɛn liɛ'n, mín wun'n ɔ wa nian min nyrun, afin m'an wu ba yasua nsiɛn m'an mɛn i.» Ɔ flɛli ba'n kɛ Zabilɔn.

Mmla'n 11:29

Kɛ Anannganman amun Nyanmiɛn'n ko fa amun ko wɔ mɛn nga amun su ko fa'n nun lɔ'n, amun `jran Garizim oka'n su amun `kan muae ndɛ mun, yɛ amun `jran Ebal oka'n su kusu, amun `kan sokpalɛ ndɛ mun .

Mmla'n 27:12

«Sɛ amun kpɛ Zurdɛn'n, man Simeɔn, nin Levi, nin Zida, nin Isakar, nin Zozɛf, ɔ nin Bɛnzamɛn be jran Garizim oka'n su, nan be yra Izraɛlfuɛ'm be nguan.

Mmla'n 27:14

Man Levifuɛ'm be kusu be man be nɛn'n su be kan kle Izraɛlfuɛ'm be kwlaa kɛ:

Mmla'n 27:4

Kɛ amun ko kpɛ Zurdɛn'n, amun `fa yɛbuɛ nga n waan amun kplankplan'n, amun `kplan be Ebal oka'n su, kpɛkuun amun `kan be ayre ufue.

Zozie 8:33

Izraɛlfuɛ be kwlaa nin be kpɛnngbɛn mun, be sunianfuɛ nin be jɔlɛ difuɛ mun, ɔ nin aofuɛ nga be o be afiɛn'n be jrannin Anannganman i alaka'n i bue nnyɔn'n su. Bé nyin ta Nyanmiɛn nyrun jranfuɛ nga be sua alaka'n. Izraɛlfuɛ'm be bue o Garizim oka'n i bo lɔ, yɛ be bue kusu o Ebal oka'n i bo lɔ. Moiz waan i sɔ yɛ be yo nan b'a yra Izraɛl nvle'n i nguan-an.