Mmla'n 27:11 - NYANMIƐN NDƐ'N 1998

¹¹ Le kunngba sɔ'n nun'n, Moiz kan kleli Izraɛlfuɛ'm be ekun kɛ:

Mmla'n 27:11 ပူးပေါင်းရင်းမြစ်များ

Bo Bolɛ 35:23

Ɔ nin Lea be liɛ kpɛnngbɛn'n yɛlɛ Ribɛn, i sin liɛ mun yɛlɛ Simeɔn, nin Levi, nin Zida, nin Isakar, yɛ Zabilɔn.

Mmla'n 1:16

Yɛ n seli amun jɔlɛ difuɛ'm be kɛ: Sɛ ndɛ tɔ amun niaan'm be afiɛn nan be wa kan kle amun'n, amun `tie be ndɛ'n. Sɛ be ti sran nnyɔn'n nan kun ti Izraɛlfuɛ o, nan kun ekun'n ti aofuɛ o, amun `di be ndɛ mun nanwlɛ su.

Mmla'n 27:10

Amun nyin `yi Anannganman amun Nyanmiɛn'n, yɛ amun `fɛ i nuan ndɛ'n nin i mmla nga n fa sieli amun nyrun ndɛkɛn'n be su.»

Mmla'n 27:12

«Sɛ amun kpɛ Zurdɛn'n, man Simeɔn, nin Levi, nin Zida, nin Isakar, nin Zozɛf, ɔ nin Bɛnzamɛn be jran Garizim oka'n su, nan be yra Izraɛlfuɛ'm be nguan.

Zozie 8:33

Izraɛlfuɛ be kwlaa nin be kpɛnngbɛn mun, be sunianfuɛ nin be jɔlɛ difuɛ mun, ɔ nin aofuɛ nga be o be afiɛn'n be jrannin Anannganman i alaka'n i bue nnyɔn'n su. Bé nyin ta Nyanmiɛn nyrun jranfuɛ nga be sua alaka'n. Izraɛlfuɛ'm be bue o Garizim oka'n i bo lɔ, yɛ be bue kusu o Ebal oka'n i bo lɔ. Moiz waan i sɔ yɛ be yo nan b'a yra Izraɛl nvle'n i nguan-an.