Mmla'n 26:17 - NYANMIƐN NDƐ'N 1998

¹⁷ Ndɛkɛn amu'an yo man Anannganman amun Nyanmiɛn'n ɔ'a ta amun nda kɛ sɛ amun fɛ i atin'n su'n, sɛ amun fɛ i mmla fanunfanun'n kwlaa amun sie, nan amun ti i aniɛn'n, ɔ ´yo amun Nyanmiɛn.

Mmla'n 26:17 ပူးပေါင်းရင်းမြစ်များ

Bo Bolɛ 28:21

sɛ n sa n sin m ba mín si i awlo klanman'n, n ´fa Anannganman n ´yo min Nyanmiɛn.

2 Be Nyoliɛ 34:31

Famiɛn'n jrannin nglo Anannganman'n i sua'n nun kɛ ɔ jran lɛ titi'n. Ɔ tali nda Anannganman i mmla fanunfanun'n kwlaa su. Ɔ tali nda ekun kɛ aenguɛ nga Anannganman nin be trali'n, bɔ i wun ndɛ'n wo fluwa'n nun'n, ɔ ´nian su. Yɛ ɔ kɛnnin i ekun kɛ ɔ ´klo Anannganman kpa, yɛ ɔ ´fɛ i wla'n kwlaa ´guɛ i su.

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 19:8

Nvlefuɛ'm be kwlaa be tɛli su kɛ: «Like kwlaa nga Anannganman waan e yo'n, e ´yo.» Moiz ko kannin i su nga be tɛli i'n kleli Anannganman.

Ezipt Lɔ Tulɛ'n 20:19

Be seli Moiz kɛ: «Ɔ bɔbɔ kan ndɛ'n kle ye. Nán Nyanmiɛn bɔbɔ kan ndɛ'n kle ye kun. Sɛ ɔ'a yo-man sɔ'n, e ´wu .»

Ezipt Lɔ Tulɛ'n 24:7

Ɔ fali aenguɛ nga Nyanmiɛn nin be trali'n i wun fluwa'n nan ɔ'a kanngan nun nvlefuɛ'm be nyrun. Izraɛlfuɛ'm be seli kɛ: «Like kwlaa nga Anannganman waan e `yo'n, e ´nian su e ´yo i sekeseke kpan.»

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 44:5

Kun ´se kɛ: ‹N ti Anannganman i liɛ.› Sran uflɛ ´se kɛ ɔ ´fa Zakɔb i dunman'n, yɛ sran kun ekun ɔ ´klɛ i sa'n su kɛ: ‹N ti Anannganman i sran.› Yɛ ɔ ´fa Izraɛl i dunman'n ɔ sie i su.»

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Rɔmfuɛ Mun 6:13

Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

2 Korɛntfuɛ Mun 8:5

Nga bɔ e bu i kɛ be ´yo'n, be yo trali su, afin be dun mmua fa bé wun mannin e Min'n, i sin be fa bé wun mannin ye kusu, i sɔ'n ɔ ti Nyanmiɛn klun su.

Mmla'n 13:18

Nán lika sɔ bɔ amun sacili i'n, i nun like wie fi ka amún sa nun. Sɛ amun ti Anannganman amun Nyanmiɛn'n i aniɛn'n, sɛ amun fɛ i ndɛ nga n ´kan kle amun ndɛkɛn yɛ'n su, sɛ amun yo sa ng'ɔ ti kpa Anannganman amun Nyanmiɛn'n i nyrun'n, ɔ ´yaci i ya dan b'ɔ fali'n, ɔ ´si amun aunnvuɛ, ɔ ´yo amun ye, ɔ man amun ´trɛ kɛ ɔ fa tali amun nannan'm be nda'n sa.

Mmla'n 15:5

Sanngɛ ɔ fata kɛ amun ti Anannganman amun Nyanmiɛn'n i aniɛn, nan amun `fa mmla nga m ´man amun ndɛ yɛ'n be su.

Mmla'n 27:10

Amun nyin `yi Anannganman amun Nyanmiɛn'n, yɛ amun `fɛ i nuan ndɛ'n nin i mmla nga n fa sieli amun nyrun ndɛkɛn'n be su.»

Mmla'n 29:12

Ndɛkɛn, ɔ ´fa amun yo i nvle nunfuɛ mun, yɛ i kusu ɔ ´yo amun Nyanmiɛn kɛ ɔ kan kleli amun'n sa yɛ kɛ ɔ tali nda kleli amun nannan Abraam, nin Izaak, ɔ nin Zakɔb be sa.

Mmla'n 30:16

Ndɛ nga n ´kan kle amun ndɛkɛn yɛlɛ kɛ amun `klo Anannganman amun Nyanmiɛn'n, nan amun `fɛ i atin'n su, nan amun `fɛ i mmla fanunfanun'm bé su. I liɛ'n, amun ´nyan nguan, amun ´trɛ, yɛ Anannganman amun Nyanmiɛn'n ɔ ´yo amun ye lika nga amun su kɔ i falɛ'n nun lɔ.

Zozie 22:5

Sanngɛ amun `fa mmla nga Moiz b'ɔ ti Anannganman i sufuɛ'n, fa mannin amun'n i kwlaa su: amun `klo Anannganman b'ɔ ti amun Nyanmiɛn'n, amun `fɛ i atin'n su, amun `niɛn i ndɛ'm be su, amun `fa bé wun mɛntɛn i, amun `nian nun be su i kpa kɛ ɔ fata'n sa.»

Zozie 24:22

Zozie seli be kɛ: «Amun bɔbɔ amun ti amun lalofuɛ. Amun bɔbɔ yɛ amun waan amun ´su Anannganman nin-ɔn.» Be tɛli i su kɛ: «Ɛɛn! E ti e bɔbɔ e lalofuɛ.»