Mmla'n 26:15 - NYANMIƐN NDƐ'N 1998

¹⁵ Ɔ man kɛ a o ɔ tranwlɛ nun nyanmiɛn su lɔ'n, kpɛ ɔ́ nyin nian Izraɛl b'ɔ ti ɔ nvle'n, nan yo i ye. Yo man asiɛ nga a fa mannin ye'n, ɔ yo kpa kɛ a fa tali e nannan'm be nda'n sa. Afin ɔ waan asiɛ sɔ'n, ɔ ´yo like ye kpa, yɛ i kunngba'n ɔ ´yo nnɛn tawlɛ klanman.»

Mmla'n 26:15 ပူးပေါင်းရင်းမြစ်များ

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

1 Famiɛn Mun 8:43

kɛ a o ɔ tranwlɛ'n nun nyanmiɛn su lɔ'n, tɛ i su. Yɛ like kwlaa nga aofuɛ sɔ'n ɔ srɛ wɔ'n fa mɛn i. I liɛ'n, asiɛ'n su nvle-nvle'n kwlaa be nunfuɛ'm be ´ti ɔ ngan, yɛ bé nyin ´yi wɔ kɛ Izraɛlfuɛ'm be liɛ'n sa. Be ´si kɛ ɔ dunman'n yɛ ɔ o sua nga su-ɔ.

2 Be Nyoliɛ 30:27

I sin'n, Nyanmiɛn nyrun jranfuɛ mun nin Levifuɛ'm be jasoli, nan b'a yra sran'm be nguan. Be Nyanmiɛn bɔ be srɛli'n ɔli lele juli nglo lɔ, ɔ juli Anannganman bɔbɔ tranwlɛ'n nun lɔ. Yɛ ɔ tɛli be su.

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 51:18

A kunndɛ-man sraka fi, sɛ ɔ ti-mɛn i ti'n, wuun n ´yi wie m ´man wɔ. A kunndɛ-man tɛ nga be yrɛ i nnɛn'n kɔlikɔli'n bɔbɔ .

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Jue Mun 80:14

Blo kɔkɔti'm be wa didi i nun ninnge mun, yɛ blo nnɛn'm be ´ko didi lɔ.

Jue Mun 80:15

Nyanmiɛn, wɔ bɔ a sie mɛn wunmuan'n, sa ɔ sin bla. Kɛ bɔ a o nyanmiɛn su lɔ'n, kpɛ ɔ nyin nian wa, yɛ bu vinyi fie sɔ'n i akunndan.

Jue Mun 90:17

Anannganman e Nyanmiɛn, yo man e wun kɛ a klo ye. Man e junman'm bé nuan ninnge'm be cɛ. Man e junman'm bé nuan ninnge'm be cɛ sakpa.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezai 63:15

Kɛ a o ɔ sua klanman'n nun nyanmiɛn su lɔ'n, nian sa bɔ be ju e su'n. ?Ɔ klolɛ dan'n nin ɔ fanngan'n be o nin? Ɔ wun b'ɔ usu wɔ ye ti'n, yɛ aunnvuɛ bɔ a si ye'n, e wun-mɛn i sɔ kun.

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zakari 2:13

E nin be e wa yia nun. Be nga be fɛnnin sran'm bé bo ninnge'n, be wa fɛn be liɛ'n wie kusu.» Kɛ ɔ ko yo sɔ'n, i liɛ amun wa wun i wlɛ sakpa sakpa kɛ Anannganman b'ɔ sie mɛn wunmuan'n yɛ ɔ sunmannin min-ɔn.

Matthieu 6:9

I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn,

Sa nga bé yôli'n 7:49

‹Nglo lɔ'n ti m bia, yɛ asiɛ'n ti aaba bɔ n takataka ń ja su. ?Nguɛ sua yɛ an kwla kplan man min-ɔn? ?Yɛ ninfan yɛ n ´de wunmiɛn-ɔn?

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 26:14

M'an se-man kɛ sɛ ɔ'a tɔ mín su ti nan n ´di. Kɛ fiɛn'n kannin min'n, m'an kan-man blusu sɔ'n. M'an fa-man wie m'an sie-man nziɛ. Anannganman min Nyanmiɛn, n fali ɔ́ nuan su ndɛ'n su, n niannin i kwlaa nga a kannin'n su n yoli.

Mmla'n 26:7

Yɛ e kpan flɛli Anannganman e nannan'm be Nyanmiɛn'n. Anannganman kusu tili e aniɛn'n, ɔ wunnin afɛ nga e o nun'n, ɔ wunnin yalɛ nin nyrɛnnɛn bɔ be ´kle ye'n.

Mmla'n 26:9

Nan ɔ'a fa e ɔ'a ba mɛn nga nun wa. Mɛn sɔ'n i asiɛ'n ɔ yo like ye kpa'n, yɛ i kunngba'n ɔ ti nnɛn tawlɛ klanman.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.