Mmla'n 26:14 - NYANMIƐN NDƐ'N 1998

¹⁴ M'an se-man kɛ sɛ ɔ'a tɔ mín su ti nan n ´di. Kɛ fiɛn'n kannin min'n, m'an kan-man blusu sɔ'n. M'an fa-man wie m'an sie-man nziɛ. Anannganman min Nyanmiɛn, n fali ɔ́ nuan su ndɛ'n su, n niannin i kwlaa nga a kannin'n su n yoli.

Mmla'n 26:14 ပူးပေါင်းရင်းမြစ်များ

Jue Mun 106:28

Be fali bé wun mantannin Baal-Pɛɔr, be dili nnɛn nga be fa sɔ wunmiɛn mun'n.

Jue Mun 18:22

N fali Anannganman i atin'n su kɛ ɔ fata'n sa. M'an fɔn-man min Nyanmiɛn'n i wun.

Zeremi 16:7

Sran fi nin i sɔfuɛ'm be su di-man aliɛ kɛ be ´fa fɔnvɔ be. Sran nga i si annzɛ i nin wuli'n, ɔ su nyan-man sran b'ɔ ´mɛn i nzan ´yo i yako-ɔ.

Ezekiɛl 24:17

Fɛfɛ ɔ klun lɔ, nán yo sɛ, fa ɔ kle'n, yɛ wla ɔ ngbabua'n kɛ titi'n sa. Nán kata ɔ nyrun, nán di sɛ aliɛ.»

Ndɛ Nga Nyanmiɛn I Nuan Ijɔfuɛ Oze Kannin'n 9:4

Ɔ man Efraimfuɛ'm be su kwla gua-man nzan man-man Anannganman'n kun. Anannganman su sɔ-man be tɛ nga be yi'n be nun kun. Aliɛ nga be ´di'n, ɔ wa kaci kɛ sɛ bo aliɛ sa, sran ng'ɔ di'n, fiɛn ´kɛn i. Be ´di aliɛ man be ku'n, sanngɛ be su kwla fa-man aliɛ sɔ'n be wlu-man Anannganman'n i sua'n nun lɔ.

Saun Yolɛ 21:1

Anannganman seli Moiz kɛ ɔ `kan ndɛ yɛ mun kle Aarɔn i wa yasua mun bɔ be ti Nyanmiɛn nyrun jranfuɛ'n. I waan: «Min nyrun jranfuɛ'n, ɔ lɛ-man atin ɔ kan-man fuɛn, kannzɛ i osufuɛ bɔbɔ yɛ ɔ wuli o. Yɛlɛ kɛ sɛ ɔ kɛn i-ɔ, wuun min nyrun'n, ɔ'a wlu fiɛn nun.

Saun Yolɛ 21:11

Yɛ kusu ɔ wunnge-man fuɛn wun. Kannzɛ sɛ i si yɛ ɔ wuli o, annzɛ i nin yɛ ɔ wuli o, ɔ fata-man kɛ ɔ wunnge be fuɛn wun, ɔ ti-mɛn ti-ɔ fiɛn ´kɛn i.

Saun Yolɛ 7:20

Sran ng'ɔ o fiɛn nun nan ɔ di bo kun yolɛ i su tɛ'n i nnɛn nga be fa man min wie'n, i sɔfuɛ'n, be `tu i Izraɛl nvle'n nun.

Malasi 2:13

Amún sa kun ekun bɔ amun yo i siɛn'n, yɛlɛ amun nyinmuɛn'n, amu'an fa gua Nyanmiɛn i sɔwlɛ'n su lele ɔ'a jran su dannguun! Sunlɛ nin kokolɛ yɛ ɔ'a kaci amun junman-an. Like nga bɔ amun fa ba Anannganman i manlɛ b'ɔ sɔ-man nun'n ti.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 15:5

Sanngɛ ɔ fata kɛ amun ti Anannganman amun Nyanmiɛn'n i aniɛn, nan amun `fa mmla nga m ´man amun ndɛ yɛ'n be su.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 26:13

Kpɛkuun amun `jran Anannganman amun Nyanmiɛn'n i nyrun, nan amun `se kɛ: «Anannganman, like ng'ɔ ti wɔ liɛ'n, m'an fa-man wie fi m'an sie-man min awlo lɔ. Like nga a kleli kɛ n `fa man Levifuɛ mun, nin aofuɛ mun, nin aika mma mun, ɔ nin angboti bla mun'n, n fa mannin be. M'an yi-man ndɛ nga a kan kleli min'n i wie fi blo, mín wla ɔ'a fi-man wie fi su.

Mmla'n 26:15

Ɔ man kɛ a o ɔ tranwlɛ nun nyanmiɛn su lɔ'n, kpɛ ɔ́ nyin nian Izraɛl b'ɔ ti ɔ nvle'n, nan yo i ye. Yo man asiɛ nga a fa mannin ye'n, ɔ yo kpa kɛ a fa tali e nannan'm be nda'n sa. Afin ɔ waan asiɛ sɔ'n, ɔ ´yo like ye kpa, yɛ i kunngba'n ɔ ´yo nnɛn tawlɛ klanman.»