Mmla'n 25:9 - NYANMIƐN NDƐ'N 1998

⁹ man bla'n wunnge i wun lɔ. Ɔ `yi bian'n i ja ngbabua'n, nan ɔ ti i nuan nzue tɛ i nyrun kpɛnngbɛn'm be nyrun lɛ, kpɛkuun ɔ kan sie su kɛ: «Sran nga i waan i niaan'n i osu'n ɔ nunnun'n, kɛ be yo i sa.»

Mmla'n 25:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 30:10

Be fian min crulu, kpɛkuun be yɛ be ´kɔ lɛ-ɔ. Be ´ti be nuan nzue ta min nyrun'n nun-ɔn, be sisi-man bé bo.

Ezai 20:2

I blɛ sɔ'n nun yɛ Anannganman fali ndɛ wlɛli i Amɔz i wa Ezai i nuan kɛ ɔ kan nin-ɔn. Ɔ dun mmua seli i laa kɛ: «Ko yi bajɛ tralɛ b'ɔ ci wɔ afiɛn'n, yɛ yi ngbabua b'ɔ wo ɔ́ ja'n.» Ezai yoli i sɔ. Kɛ ɔ ´wlan-wlan sin'n, tralɛ nun-mɛn i wun, yɛ ngbabua nun-mɛn i ja.

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Kalɛ 12:14

Anannganman tɛli i su kɛ: «?Sɛ i si guɛli i nyrun'n nun ngɔsrɛ bɔbɔ'n, nán cɛn ba nso yɛ ɔ tran nyannzuɛn nun-ɔn? I sɔ'n ti, man be kɛn i bo ngblaliɛ'n nun nan ɔ ko di cɛn ba nso nan ɔ'a sɛ i sin i wiengu'm be afiɛn wa ekun.»

Matthieu 26:67

Kɛ ɔ yoli sɔ'n, yɛ be guɛli i nyrun ngɔsrɛ-ɔ, yɛ be boli i acɔliɛ-ɔ.

Matthieu 27:30

Be guɛli i wun ngɔsrɛ, be fali ndɛma'n b'ɔ o i sa nun'n finnin i ti'n su.

Marc 1:7

Kɛ ɔ ´kan ndɛ'n, ɔ seli kɛ: «Sran kun wo lɛ, ɔ lɛ nyrun tra min ɔ o siɛn ɔ su ba, kɛ n `kan ase n nyannji i ngbabua nyanman'n, min nin i sɔ yolɛ fata-man.

Marc 10:34

be ´yo n finfin, be ´gua min wun ngɔsrɛ, be ´bo min nin ngble, yɛ be ´kun min, kɛ n di le nsan'n, n ´cɛn.»

Jean 1:27

ɔ o siɛn ɔ su ba. Min nin i ngbabua nyanman'n i nyannjilɛ fata-man.»

Mmla'n 25:10

Kpɛkuun man be flɛ sran sɔ'n i awlo'n kɛ: «Sran bɔ be yili i ja ngbabua'n i awlo .»

Mmla'n 25:8

Sɛ kpɛnngbɛn'm be flɛ i be kan, nan ɔ fite i nuan kɛ: «Ɛɛn! N waan n fɛ-mɛn i'n,»

Rit I Wun Ndɛ 4:6

Bian'n waan: «Sɛ ɔ ti sɔ-ɔ, wuun n to-mɛn i kun. Sɛ ɔ yo sɔ-ɔ, cɛn wie min asiɛ liɛ'n i lika nianlɛ'n ɔ wa yo kekle man min. Nan i ti jran min ajalɛ nun, n ´ko kwlɛ-mɛn i to .»

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.