Mmla'n 25:19 - NYANMIƐN NDƐ'N 1998

¹⁹ I sɔ'n ti'n, amun wa ju mɛn nga Anannganman amun Nyanmiɛn'n ɔ'a fa man amun'n i nun lɔ. Cɛn nga Anannganman amun Nyanmiɛn'n yo man amun di alaje amun kpɔfuɛ nga be mantan amun lɛ'n bé sa nun'n, amun `nunnun Amalɛk i osu'n mɛn'n nun. Nán be bo bé su be di jɔlɛ kun. Nán amun wla fi ndɛ nga.

Mmla'n 25:19 ပူးပေါင်းရင်းမြစ်များ

1 Be Nyoliɛ 4:43

Be kunnin Amalɛkfuɛ nga be kali'n bɔ be wanndi ɔli lɔ'n, nan b'a tran lɔ. Be tɛ o lɔ lele ndɛ.

Ɛstɛr 3:1

Kɛ ɔ dili le nnyɔn kun'n, famiɛn Asieris mannin Amɛdata wa Aman b'ɔ ti Agag osu nunfuɛ'n i sa su. Ɔ nyannin nyrun trɛli i wiengu nga be ti famiɛn'n i mantanfuɛ'n mun.

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Ezipt Lɔ Tulɛ'n 17:14

Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Ezipt Lɔ Tulɛ'n 17:16

Kɛ bɔ Amalɛkfuɛ'm be jasoli Anannganman i famiɛn bia'n i wun ti'n, Anannganman nin be ´kun alɛ tititi.

Ezipt Lɔ Tulɛ'n 33:14

Anannganman tɛli i su kɛ: «M bɔbɔ e nin wɔ e ´nanti yɛ n ´yo man a ´de wunmiɛn.»

Mmla'n 12:9

Kɛ amun nian ju-man amun aja'n bɔ yɛlɛ wunmiɛn delɛ lika nga Anannganman amun Nyanmiɛn'n wa fa man amun'n nun lɔ'n, i ti yɛ amun yo i sɔ-ɔ.

Mmla'n 21:23

nán man i fuɛn'n ka waka'n su lɛ. Amun `ka lɛ be `sie i le kunngba'n nun, afin sran nga be bo i kɔmin'n, wuun Nyanmiɛn boli i sannzan. Ɔ man nán amun fa saci asiɛ nga Anannganman amun Nyanmiɛn'n ɔ'a fa man amun'n .

Mmla'n 26:1

Cɛn nga amun ju mɛn nga Anannganman amun Nyanmiɛn'n ɔ'a fa man amun kɛ amun fa'n i nun'n bɔ amu'an tran nun'n,

Mmla'n 3:18

I blɛ sɔ nun'n, n kannin ndɛ kleli amun, n jrannin su, n seli amun kɛ: «Anannganman amun Nyanmiɛn'n fali lika nga mannin amun. Sonja mun, amun kwlakwla amun `fa amun alɛ ninnge mun nan amun `dun mmua amun niaan Izraɛlfuɛ kun nga'm be nyrun.

Mmla'n 9:14

Jran man n nunnun be, nan be dunman'm be wie mɛn'n nun. Yɛ n yo man nvle kun ´fin ɔ nun fite. I nunfuɛ'm be ´nyan wunmiɛn tra sran nga mun, yɛ be ´sɔn tra be.»

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.

Zozie 23:1

Kɛ Anannganman deli Izraɛlfuɛ'm be kpɔfuɛ nga be bo sin yia be'n be kwlaa bé sa nun'n, b'ɔ man be dili alaje'n, i osu ɔ'a la nun. Zozie a yo oke.

Zozie 6:3

A nin ɔ sonja'm be kwlaa amun `bo sin yia klɔ'n, cɛn kun amun `yo i sɔ kpalɛ kun, lele cɛn nsiɛn.

Zozie 7:12

Sɛ be ka sa nga be yoli'n su'n, be su kwla jran-man be kpɔfuɛ'm be nyrun kun. Be ´wanndi sa tititi, sɛ amu'an saci-man ninnge nga n seli amun kɛ nán amun fa'n, n su jran-man amún sin kun.

1 Samiɛl 14:48

Le kun nga be wunnin i yakpa nun dan'n yɛlɛ cɛn ng'ɔ kwlali Amalɛkfuɛ mun'n. Ɔ deli Izraɛlfuɛ mun bé bo ninnge fɛnfuɛ'm bé sa nun.

1 Samiɛl 27:8

David nin i sran'm be ko wlu nvle wie nun be nin be ko kun alɛ, be kɔ be ba be kɔ be ba. Nvle sɔ mun yɛlɛ Gersir, nin Gerzɛr, ɔ nin Amalɛk. Kɛ ɔ fin lalafuɛ nun'n nvle sɔ'm, be tran Sir ndɛnman lele ´fa ju Ezipt mɛn'n i nuan.