6 Be kwla fa-man sran kun i ble silɛ yɛbuɛ nin'n wla-man aowa, yɛbuɛ ba'n bɔbɔ be kwla fa-man. Sran ng'ɔ fɛ i sɔ'n, wuun be se kɛ ɔ'a fa sran sɔ'n i nguan'n bɔbɔ ɔ'a wla aowa.
I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»
Sɛ amun waan amun nin klɔ kun amun ´kun'n nan amun ´fa'n, kɛ amun ´kpɛ i wun ngblaliɛ'n, nán amun saci i fie'm bé su waka mun. Nán amun bu be. Amun `di bé su mma mun, sanngɛ nán amun kpɛ bé bo. ?Waka b'ɔ o fie'n su lɔ'n, sran-an nan se kɛ a nin i be ´kun alɛ?
Sran nga ɔ'a ja bla uflɛ-uflɛ'n, nán man ɔ wɔ sonja. Nán be miɛn i kɛ ɔ yo junman uflɛ. Man ɔ trɛn i awlo lɔ afuɛ nuan kun nan ɔ yo man i yi i klun jɔ.
Sɛ amun wun sran kun kɛ ɔ'a trɛ i niaan Izraɛlfuɛ kun je, nan ɔ'a fɛ i ɔ'a yo i kanga'n annzɛ kusu ɔ'a yo i atɛ'n, amun `kun i sɔfuɛ'n. Amun `yi sa tɛ'n amun afiɛn kɛ ng'ɔ o lɛ'n sa.
Be su ti-man kɛ be su bo aluku, nin kete, nin awɛ, nin like nga be bo be'n be wie fi lɔ kun. Be su wun-man ajuin difuɛ fi lɔ kun . Be su ti-man like silɛ lɔ,