Mmla'n 24:19 - NYANMIƐN NDƐ'N 1998

¹⁹ Sɛ amun kpɛ amun ble'n annzɛ amun ɔrz'n nan amún wla fi sɔlɛ kun fie su lɔ'n, nán amun sa amún sin ko fa. Man ɔ ka lɔ nan aofuɛ mun nin aika ba mun, ɔ nin angboti bla mun be fa. I liɛ'n, Anannganman amun Nyanmiɛn'm ɔ ´yo man junman kwlaa nga amun di'n ɔ ´yo kpa.

Mmla'n 24:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 42:12

Anannganman man Zɔb wa dili ye kpa trali klikli liɛ'n. Ɔ wa nyannin bua akpi-akpi blu-nin-nnan (14.000), nin nyɔnngɔnmɛn akpi nsiɛn (6.000), nin nannin nnyɔn-nnyɔn sɔ akpi, ɔ nin aflunmun bla akpi.

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Ezai 32:8

Sanngɛ sran kpa'n i liɛ'n, akunndan kpa cɛ yɛ ɔ bu-ɔ. Yɛ sa kpa cɛ yɛ ɔ yo-ɔ.

Saun Yolɛ 23:22

Cɛn nga bɔ amun ´kpɛ like kɛ ble sa'n, i ng'ɔ fifili fie'n i nuan su'n, nán amun kpɛ. I nga amun ´kpɛ b'ɔ kali'n, nán amun sa amún sin amun kpɛ nun kun. Amun `yaci i kwlaa sɔ'n i lɛ be man yalɛfuɛ mun nin aofuɛ mun. Min yɛ n ti Anannganman amun Nyanmiɛn nin-ɔn.»

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

JÉSUS-CHRIST I DYASIN FE'N BO LUC KLELI'N 6:38

An `cɛ sran like, yɛ Nyanmiɛn kusu ɔ `cɛ amun wie-ɔ, ɔ ´man amun kpanngban kɛ like bɔ be su be tintin su, yɛ be kejekeje i, b'ɔ yi bu gua'n sa, afin suliɛ nga an su nun man sran wie mun'n, i kunngba'n nun yɛ Nyanmiɛn ´su nun man amun-ɔn.»

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 15:10

Sɛ be usa amun afɛ sɔ'n, amun `fa man be. Amun ´fa man be kusu-ɔ, man ɔ yo amun klun su klanman. Sɛ amun yo i sɔ'n, Anannganman amun Nyanmiɛn'n ɔ ´yo man like kwlaa nga amun yo'n nin junman kwlaa nga amun di'n, ɔ ´yo ye amun sa nun.

Mmla'n 24:18

Nán amún wla fi kɛ amun yoli kanga Ezipt lɔ yɛ Anannganman deli amún-ɔn. I sɔ'n ti yɛ n fa mmla nga man amun kɛ amun nian su amun nanti nin-ɔn.

Mmla'n 26:13

Kpɛkuun amun `jran Anannganman amun Nyanmiɛn'n i nyrun, nan amun `se kɛ: «Anannganman, like ng'ɔ ti wɔ liɛ'n, m'an fa-man wie fi m'an sie-man min awlo lɔ. Like nga a kleli kɛ n `fa man Levifuɛ mun, nin aofuɛ mun, nin aika mma mun, ɔ nin angboti bla mun'n, n fa mannin be. M'an yi-man ndɛ nga a kan kleli min'n i wie fi blo, mín wla ɔ'a fi-man wie fi su.

Rit I Wun Ndɛ 2:16

I li bɔ amun `yi sɔlɛ nun liɛ'n wie guɛ i lɛ man ɔ isa uka su. Nán amún nuan to i mlɔnmlɔn.»

Rit I Wun Ndɛ 2:2

Rit b'ɔ ti Moab bla'n seli Naomi kɛ: «N waan n ´se wɔ nan n ´kɔ b'ɔ si aunnvuɛ wie fie su nan ɔrz nga be ´kpɛ-ɔ, ɔ gua'n, n ´isa.» Naomi waan: «Kɔ, mín wa .»