Mmla'n 24:16 - NYANMIƐN NDƐ'N 1998

¹⁶ Ɔ fata-man kɛ sa tɛ bɔ sran kun ɔ'a yo'n ti, be kun i si, annzɛ sɛ siɛ'n kusu yɛ ɔ yoli sa'n, ɔ fata-man kɛ be kun i wa'n i ti. Sran ng'ɔ yo sa tɛ'n, i bɔbɔ yɛ ɔ fata kɛ be kun i-ɔ .

Mmla'n 24:16 ပူးပေါင်းရင်းမြစ်များ

2 Be Nyoliɛ 25:4

Sanngɛ ɔ'a kun-man be mma mun wie. Ɔ niannin mmla ng'ɔ ti klɛwa Moiz i fluwa'n nun'n su. Fluwa sɔ nun'n Anannganman kɛnnin i kɛ: «Sɛ ba'm be yo tɛ'n, nán be kun bé si mun, sɛ kusu siɛ'm be yo sa tɛ'n, nán be kun be mma mun. Sanngɛ man sran kun wu i bɔbɔ i sa tɛ'n i nuan.»

Ezekiɛl 18:20

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Ezekiɛl 18:4

Nian, sran'm be kwlaa, i ba o, i siɛ o, be nguan nyanman'n wo min sa nun. Be nnyɔn'n be nguan nyanman'n wo min sa nun, be ti min liɛ. Sran ng'ɔ yo sa tɛ'n yɛ ɔ ´wu-ɔ .

Daniɛl 6:24

Famiɛn'n i klun jɔli dan kpa, nan ɔ'a se kɛ be `yi Daniɛl kunman'n nun fite. Be yili Daniɛl kunman'n nun fiteli. Kɛ be niɛn-niɛnnin i wun'n, b'a wun-man kɛ i lika kaan sa ti kplowa. Afin ɔ fɛli i wla'n kwlaa guɛli i Nyanmiɛn'n su.

Kalɛ 26:11

Sanngɛ Kɔre i mma'm b'a wu-man blɛ kunngba sɔ'n nun.

1 Samiɛl 22:16

Famiɛn'n tɛli i su kɛ: «A nin ɔ́ si i awlofuɛ mun amun ´wu.»