Mmla'n 24:15 - NYANMIƐN NDƐ'N 1998

¹⁵ Amun `fɛ i akatua'n be `mɛn i cɛn kwlakwla. Amun `fa mɛn i, nan wia'n ɔ'a tɔ, afin ɔ lɛ-man wie, sɛ i sa kɛn i ndɛndɛ'n, ɔ ´yo i fɛ. Sɛ ɔ'a yo-man sɔ nan ɔ sanman amun Anannganman sa nun'n, wuun amu'an yo sa tɛ.

Mmla'n 24:15 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:13

?Sɛ n di min sufuɛ yasua wie annzɛ min sufuɛ bla wie i lufle'n, sɛ ɔ fɛ i sɔ sa'n ɔ sie min nyrun nan m'an yo-man ng'ɔ ti su'n m'an mɛn-mɛn i'n,

Zɔb I Nyrɛnnɛn Wunlɛ 31:38

Man e se kɛ min fie'n ɔ ti sran. Sɛ mín fie sɔ'n i su lɔ asiɛ'n ɔ ijɔli min cɛn kun sa'n, sɛ i su kofie'm be sun guali min wun cɛn kun sa'n,

Zɔb I Nyrɛnnɛn Wunlɛ 34:28

Be yoli man afɛfuɛ mun nin yalɛfuɛ'm be kpan flɛli Nyanmiɛn. Nyanmiɛn kusu tili be aunnvuɛ kpanlɛ'n .

Zɔb I Nyrɛnnɛn Wunlɛ 35:9

Kɛ yalɛ klelɛ'n ɔ yo dan'n, sran'm be kpan. Sran wlɛfuɛ'm be dunman nun ti be kplin.

Zɔb I Nyrɛnnɛn Wunlɛ 7:2

Kɛ kanga'n ko yo nan ɔ'a nyan fɔnvɔ ɔ'a tran nun'n yɛ man ɔ miɛn i yo ng'ɔ yo nin-ɔn. Kpa difuɛ'n i akatua'n i nyanlɛ'n ti yɛ man ɔ miɛn i nyin di junman nin-ɔn.

Jue Mun 24:4

?Nán sran nga ɔ'a yo-man sa tɛ fi, b'ɔ sa tɛ nun-mɛn i anwlɛn'n nun, b'ɔ ti-man ato buafuɛ, b'ɔ ta-man nda ngbɛn-ngbɛn nin-ɔn ?

Jue Mun 25:1

Jue nga ti David liɛ. I waan: Anannganman, n kpɛ mín nyin ɔ́ wun lɔ.

Jue Mun 86:4

Min Min, ɔ su yɛ n kpɛ mín nyin-ɔn, n srɛ wɔ, yo man min klun jɔ.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Zeremi 22:13

«Zozakim yako, a su kplan ɔ famiɛn sua'n, sanngɛ a di-man jɔlɛ nanwlɛ nun. A su kplan uflɛ taka su, sanngɛ a nanti-man mmla'n su. Sran'm be di junman man wɔ-ɔ, a tua-man be kalɛ, i sa ka.

Saun Yolɛ 19:13

Nán amun di sran lufle, nán amun wua like fi. Nán amun tra kpa difuɛ'n i akatua'n i ase man aliɛ cɛn su.

Saun Yolɛ 25:35

«Sɛ yalɛ di amun niaan kun nan i sa ɔ'a mian'n, ɔ fata kɛ amun ukɛ i nan ɔ'a kwla di alaje nan ɔ'a tran amún wun lɛ. Sɛ aofuɛ wie o amún wun lɛ'n nan ɔ nin amun yɛ be tran lɛ'n, nantilɛ kunngba ng'ɔ o lɛ'n yɛ amun nin i be `nanti-ɔ.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 20:8

Kɛ aliɛ jɔli'n, vinyi fie i fuɛ'n flɛli i junman difuɛ'm bé su kpɛn'n nan ɔ'a se i kɛ: ‹Flɛ junman difuɛ mun nan tua be kalɛ, bo i bo kasiɛnfuɛ'm be su fa kɔ kliklifuɛ'm be su .›

Marc 10:19

A si mmla'n b'ɔ se kɛ: Nán kun sran, nán kunndɛ bla annzɛ bian ɔ́ yi annzɛ ɔ́ wun bo, nán wua, nán tɔn sran suɛn, nán di ndrunmun, bu ɔ́ si nin ɔ nin be sran .»

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

1 Timote 5:18

Afin be klɛli i Nyanmiɛn Ndɛ'n nun kɛ: «Nannin ng'ɔ bo awie'n, nán be cici i nuan.» Yɛ be klɛli i ekun kɛ: «Junman difuɛ'n i sa ka-man ngbɛn .»

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .