Mmla'n 24:13 - NYANMIƐN NDƐ'N 1998

¹³ Kɛ sɛnzɛ'n ɔ tɔ cɛ'n, amun `fɛ i kondro'n `ko mɛn i man ɔ la fa kɛtɛ i su nan ɔ yra amun nguan. Sɛ amun yo i sɔ'n, sa kpa dan kun yɛ amu'an yo i Anannganman amun Nyanmiɛn'n i nyrun lɛ-ɔ.

Mmla'n 24:13 ပူးပေါင်းရင်းမြစ်များ

Bo Bolɛ 15:6

Ndɛ nga Anannganman kɛnnin i lɛ'n, Abram lafili su, ɔ man Anannganman buli i sran kpa .

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Ezipt Lɔ Tulɛ'n 22:25

Sɛ a fa ɔ wiengu kun i tralɛ kɛ aowa sa'n, dun mmua fa mɛn i nan wia'n ɔ'a tɔ,

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

Ezekiɛl 18:12

Ɔ bo be nga be ti yalɛfuɛ'n nin be nga be lɛ-man like'n be akpo. Ɔ wua sran mun. Sɛ be wla aowa be mɛn i'n, ɔ yi man-man sran nga i kalɛ o be su bɔ be wlali aowa sɔ'n. Ɔ fɛ i wun man amuɛn sɔlɛ'n, yɛ i blɛ sɔ'n nun ɔ yo tete sa mun.

Ezekiɛl 18:16

sɛ ɔ bo-man sran akpo'n, sɛ ɔ wua-man sran'n, sɛ sran ɔ wa fa sika i sa nun'n nan ɔ se-man sran sɔ'n kɛ ɔ wla aowa'n, sran ng'ɔ nyan-man like di-man'n, sɛ ɔ mɛn i wie'n, sran ng'ɔ lɛ-man tralɛ'n, sɛ ɔ mɛn i wie'n,

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 33:15

Sɛ ɔ yi like nga be fa wlali aowa man'n, sɛ like ng'ɔ wuali ɔ sie i osu'n, sɛ ɔ fa mmla nga be man nguan'n be su'n, nan ɔ yo-man sa ng'ɔ ti-mɛn i su'n, ɔ ´nyɛn i ti, ɔ su wu-man.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Amɔs 2:8

Lika kwlaa bɔ be sɔ be amuɛn'm be lɛ'n, yalɛfuɛ'm bé wun ninnge nga be fa wlali aowa bé sa nun'n yɛ be sɛ be la su-ɔ. Nzan nga be dede i be sran'm bé sa nun'n, yɛ be nɔn i be amuɛn sua'm be nun-ɔn.

Efɛzfuɛ Mun 4:26

Sɛ an fa ya'n, nán an yo sa tɛ. Nán an fa ya sɔ'n lele man wia'n tɔ su .

Mmla'n 24:12

Sɛ sran sɔ'n ti yalɛfuɛ'n, nan ɔ fɛ i kondro'n ɔ wla aowa'n, nán aliɛ cɛn i aowa'n su.

Mmla'n 24:15

Amun `fɛ i akatua'n be `mɛn i cɛn kwlakwla. Amun `fa mɛn i, nan wia'n ɔ'a tɔ, afin ɔ lɛ-man wie, sɛ i sa kɛn i ndɛndɛ'n, ɔ ´yo i fɛ. Sɛ ɔ'a yo-man sɔ nan ɔ sanman amun Anannganman sa nun'n, wuun amu'an yo sa tɛ.

Mmla'n 6:25

Sɛ e fa Anannganman e Nyanmiɛn'n i mmla sɔ mun sie'n kɛ ɔ kan kleli e sa'n, ɔ ´wun kɛ e nanti seiin i nyrun.»

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.